Wp/btm/Tapir

From Wikimedia Incubator
< Wp‎ | btmWp > btm > Tapir
Jump to navigation Jump to search
Tapir Baird, Tapir sian Amerika

Tapir ima binatang herbivora na mangankon bulung-bulung naposo di sapanjang arangan sanga topi batang aek. Tapir puna bontuk pamatang songon babi, suping na songon badak dohot papanganna na lanjang songon tanggiling, Oni pangkulingna tarsongon sora ni Amporik pado binatang namanyusu..[1]

Tapir ima hewan na soliter, lainkon i musim kawinna. Aktivitasna lobi bahat i borngin ni ari (nokturnal). Aktivitas mangan biasona dikarejoon laos totop torus marpindah ibagasan jalur na marrpindah-pindah. Jangkoan jalajah tapir nalumobi bolak harana alai cenderung lao dao get manjalaki inganan na bahat dai sira.[2]

Spesies[edit | edit source]

Secara taksonomi, tapir dikalompokkon tu bagasan ordo Perisodactyla dohot famili Tapiridae. Adong opat jenis tapir na masih eksis sampe saat non. Tolu di antarana bisa pasuo i Amerika Selatan (Tapirus bairdii, Tapirus pinchaque dohot Tapirus terrestris) dohot sada maia na tersebar i Asia Tenggara (Tapirus indicus). Harana i inganan ni tapir biaso ipake manjadi sada bukti teori panyarak ni benua.

Sebaran tapir i Asia Tenggara ima luak sabolah selatan Burma, Thailand sabolah selatan, Semenanjung Malaysia dohot Indonesia. Bukti-bukti paleontologis mandokon molo najolo sebaran tapir di luak Pulo Jawa dohot Sumatera. Tai saat on i Indonesia, tapir bisa pasuo di Sumatera sajo maia, ipe i sabolah selatan Danau Toba sampe tu Lampung.Sada maia catatan naunjung adong tapir i sabolah utara Danau Toba ima i Pangkalan Berandan. Tapir biasona pasuo di arangan Natoruk (dataran rendah), tai sadebana catatan mandokon jungada adong i luak sampe ginjangna 2000 m, songon i Gunung Tujuh (Taman Nasional Kerinci Seblat). Tapir bisa marsuo i arangan primer, sekunder, campuran, kobun apea. Deba catatan mandokon unjung marsuo i kobun sawit dohot mangalintasi huta ni alak sanga kamp parkarejo i PHPA.

Deskripsi[edit | edit source]

Tapir natobang bisa puna lanjang sibuk sampe 225 cm. Bontuk sibuk lainna na manjadi partando tapir ima igungna na memanjang songon belalai pondok. Igung on totop ipadonok tu tano molo atia mardalan. Tapir nalumobi mangaropkon parmuapan dohot parbinegean di sapanjang ngoluna. Sadebana ahli mandokon molo hewan on puna pangaligian na lomah. Salain puna kaunikan i warna sibukna, tapir puna kaunikan nalain i bahat ni jari nipatna. I pat nangon jolo tapir puna opat jari sedangkan i pat nangon pudi tolu.[3]

Panganon[edit | edit source]

Panganon nabiaso tapir ima bulung-bulung naposo na di rapu dohot dila dohot ipilian. Bahatan sian suan-suanan nai rompo-rompoi sanga sanga ayu na menek, songon nangon sabangso Rubiaceae dohot Euphorbiaceae. Salain i tapir juo mangan buah-buahan na marpayakan i pantar ni arangan songon sibodak, boja, dohot Tarutung. Harani i, tapir na lumobi marperan ibagasan proses regenerasi arangan, panyarakan, sangape maningkatkon dinamika dohot stratifikasi ni lapisan toru arangan.

Gambar[edit | edit source]

Pautan ruar[edit | edit source]

Rujukon[edit | edit source]

  1. Template:Cite web
  2. TPF News, Tapir Preservation Fund, Vol. 4, No. 7, July 2001. See section on study by Charles Foerster.
  3. Gorog, A. 2001. Tapirus terrestris, Animal Diversity Web. Retrieved June 19, 2006.