Wp/btm/Sulaiman I

Wp/btm/Sulaiman I
Sulaiman I
Mamarentah	1520–1566 (46 taon)
Panobatan	30 September 1520
Sorang	Wp/btm/6 November Wp/btm/1494 Trabzon
Mangkat	5/6 September 1566 (umur 71) Szigetvár, Hongaria
Makam	Masjid Süleymaniye, Konstantinopel
Adaboru	Mahidevran Sultan Hurrem Sultan Gülfem Hatun
Pinompar
Sehzade Mustafa Sehzade Murad Raziye Sultan Sehzade Mehmed Mihrimah Sultan Sehzade Abdullah Sehzade Selim Sehzade Bayezid Sehzade Cihangir
Gorar singkop
Kanuni Sultan Suleyman Han
Amang	Selim I
Inang	Ayşe Hafsa Sultan

Sulaiman I (Template:Wp/btm/lang-ota Suleymān, Turki Modern: Süleyman; 6 November 1494 Template:Wp/btm/ndash 5/6/7 September 1566) ima sultan Turki Utsmaniyah pa-10 na markuaso sia taon 1520 sampe 1566. Ia targorar ima Suleiman na Ruar Biaso i Barat, dot pangelehen ukum (Template:Wp/btm/lang-tr; Arab:

القانونى

‎, al‐Qānūnī) i Timur arani pambaen nia i namanyusun mulak sistem undang-undang Utsmaniyah. Ia ima tokoh ponting i Eropa abad pa-16. Sulaiman memimpin tentara Utsmaniyah patalu Belgrade, Rhodes, dot ampir sude Hongaria dompak so marhasil ipamundur i Pangkopungan Wina taon 1529. Ia manganeksasi ampir sude Timur Tonga dot Afrika Utara (sampe tu Aljazair i barat). I toru kakuasoannia, armada Utsmaniyah mangkuasoi Laut Tonga, Narara, dot Teluk Persia.

I usaonia get pagogo Utsmaniyah, Suleiman malancarkon reformasi legislatif na marsangkutan dohot masyarakat, pangajaran, parpajakan, dot ukum kriminal. Ukum kanunnia pature bontuk kakaisaran saonok marabad-abad sidung matenaia. Salain manjadi panyair dot tukang sere, ia juo manjadi panjago budayo na godang, sampe Utsmaniyah sampe tu maso ajayaanna i bidang artistik, sastra, dot arsitektur. Sulaiman malo martutur lima saro: Saro Turki Utsmaniyah, Arab, Serbia, Chagatai (dialek saro Turki dot masangkutan dohot Uighur), dot Persia.

Suleiman mambuat boru harem na margorar Hürrem Sultan, bope naiban nia on mangalanggar adat Utsmaniyah. Anak nialai, Selim II, manggontion Sulaiman sidung markuaso saonok 46 taon.

Hangoluan parjolo

Sulaiman sorang iparkiraon i tanggal 6 November 1494 i Trabzon, i luak pasisir Laut Nalomlom. Inangnia ima Valide Sultan Aishe Hafsa Sultan sanga Hafsa Hatun Sultan, na wafat i taon 1534. I umur pitu taon, ia ikirim anso marsiajar sains, sejarah, sastra, teologi, dot taktik militer i sikola Istana Topkapı i Konstantinopel. Manjadi sada naposo-poso, ia mardongan dohot Ibrahim, sada hatoban na sogot manjadi tukang paingotnia na paling ipurcayo. I umur 17 taon, Suleiman isuru manjadi Gubernur Kaffa (Theodosia), sidungi ia juo isuru manjadi Gubernur Sarukhan (Manisa) sidung nasolpu manjabat santongkin i Edirne. Atia amangnia, Selim I (1465–1520), maninggal, Suleiman mulak tu Konstatinopel dot mambuat kakuasoan manjadi Sultan Usmaniyah pa-10.

Catatan na dibaon ni sada suruon Republik Venesia, Bartolomeo Contarini, piga-piga poken sidung Sulaiman manaek takhta mangobarkon Sulaiman ima : "Ia marumur 25 taon, ginjang, tai riar, dot marsibuk alus. Talonanna tar lanjang, mukona layap, dot igungnia bengkok. Ia puna kumis dot janggut; parobananna manyonangkon bope sibuknia songon na langan. Ningna ia ima sada namora na denggan, ringgas marsiajar, dot manjadi naiaropkon masyarakat anso mambaen hagabean i kakuasoannna." Adong-adong sejarawan mandokon molo i maso posona Suleiman puna godang ni roa tu Alexander na Godang. Ia tarpangaruh visi Alexander nagiot mambangun kakaisaran dunia na mangkuasoi daerah Timur dot Barat, dot onma na alasanna ia mambaen kampanye militer tu luak Asia, Afrika, dot Eropa.