Wp/btm/Sipaingot (sajak)
Sipaingot ima sada sajak na ibaen Willem Iskander satontang ajar ni amangna tu daganakna na kehe tu Sikola.
Sajak[edit | edit source]
Iabo amang sinuan tunas!
Langkama ho amang marguru tu sikola
Ulang hum baen song luas-luas
Tai ringgas ko amang marsipoda
Anggo panganon dohot abit
Uparkancitkon manjalaisa
Inda au nian makikit
Dio mangalehensa
Muda langka au manjala
Dapot au dua mera
Ugadisma i sada
Anso adong dio panabusi sira
Muda adong tuor ni kopi
Dapot au dohot inangmu
Deba do i upajopi
Deba ambaen dio abit matomu
Muda nga dipangan tangkalon
Dapot kita tolu lungguk
Sada ma i ugadiskon
Panabusi timbako dohot pusuk
Imale nian amang
Por ni roangku ho marbisuk
Ampot sogot madok-dokma ulala pamatang
Anso doma ubaen usuk
Muda au sogot matobang
Inangmu pe nga be marnida
Da amima pasonang
Homa markayaon kita
O, Na Lobi Denggan Roa!
Na umbege na upardokon on
Mangido au di Ita
Ita patorang pangaroai ni danak on