Wp/btm/Sikola (sajak)

Sikola ima sajak na ibaen Willem Iskander satontang Sikola.

Sajak

Di aduma bagas kibul
Marbangku marmeja-meja
Di sima iba undul
Anso marsipoda-poda

Tombal danak dot jop basa
Job roana di bagas i
Dibaon madung dibotosa
Dapotan poda iba di si

Ise na marolong roa
Di bagas parsipodaan i
Ia na ummora
Umpado Sutan, na mangincai i

Ise na ringgas tu sikola
Tibu marbisukma ibana
Mamboto etonganmai ia
Pulik malo padalan ata

Ise na so marsikola
Ima na tinggal maoto
Hum banuanama di ora
Na adong di’njang ni tano

Ise alak na mandokon
Hum di banuana alak na akal
Tolama touk di toru takar

Ima le daganak dongan
Tu sikola amu kehe
Sipaingotonku di hamu dongan
Ulang dengganna manggabe keke

Ia na songon keke
Onma le da pintasanna
Mamasai soang na marende
Tai da binoto antusanna