Wp/btm/Nelson Mandela
| His Excellency Nelson Mandela OM AC CC OJ OSJ QC GCH BR RSO NPK | |
|---|---|
.jpg)
| |
| Mandela taon 2008 | |
| Presiden Afrika Selatan | |
| Maso jabatan 10 Mei 1994 – 14 Juni 1999 | |
| Deputi | Thabo Mbeki F. W. de Klerk |
| Manggontion | F. W. de Klerk |
| Igontion | Thabo Mbeki |
| Satontang Ibana | |
| Sorang | Rolihlahla Mandela Wp/btm/18 Juli Wp/btm/1918 Mvezo, Afrika Selatan |
| Maninggal | Wp/btm/5 Desember Wp/btm/2013 (umur 95) Johannesburg, Afrika Selatan |
| Kabangsoan | Afrika Selatan |
| Partai politik | Kongres Nasional Afrika |
| Dongan sabagas | Evelyn Ntoko Mase (1944–1957) Winnie Madikizela (1958–1996) Graça Machel (1998–2013; sampe maninggalnaia) |
| Pinompar | Madiba Thembekile Makgatho Lewanika Makaziwe Maki Zenani Zindziswa |
| Bagas | Houghton Estate, Johannesburg, Gauteng, Afrika Selatan |
| Alma mater | University of Fort Hare University of London External System University of South Africa University of the Witwatersrand |
| Agama | Karisten (Methodisme) |
| Tekenan | 
|
| Media sosial | |
| Situs web | Template:Wp/btm/url |
Nelson Rolihlahla Mandela (Template:Wp/btm/IPA-xh; sorang i Mvezo, Afrika Selatan, Wp/btm/18 Juli 1918 – maninggal i Johannesburg, Afrika Selatan, Wp/btm/5 Desember 2013 i umur 95 taon) ima sada revolusioner antiapartheid dot politisi Afrika Selatan na manjabat manjadi Presiden Afrika Selatan sian 1994 sampe 1999. Ia ima alak Afrika Selatan marsibuk lomlom parjolo na maniop jabatan on dot presiden parjolo na tarpili lewat katarwakilan pol, i sada pamilu multiras. Pamarentahannia na pature i pangapusan pangaruh apartheid dohot mangabisi rasisme, kamiskinan dot kasenjangan, dot manulak rekonsiliasi rasial. Salaku nasionalis Afrika dot sosialis demokratik, ia manjabat manjadi Presiden Kongres Nasional Afrika (ANC) i 1991 sampe 1997. Salain i, Mandela unjung manjadi Sekretaris Jenderal Gorakan Non-Blok i 1998 sampe 1999.[1]
Tarsorang tingon sabagas karajaaan Thembu dot alak Xhosa, Mandela mars8ajar uhum i Fort Hare University dot University of Witwatersrand. Atia tinggal i Johannesburg, ia dohot i politik antikolonial, martop dohot ANC, dot manjadi anggota napajongjong Liga Naposo ANC. Sidung kaum nasionalis Afrikaner tingon Partai Nasional markuaso taon 1948 dot mandalankon kabijakan apartheid, popularitas Mandela manimbung i Defiance Campaign ANC taon 1952, tarpili manjadi Presiden ANC Transvaal, dot ro i Congress of the People taon 1955. Manjadi pangacara, ia jotjot noli ikurung arani aktivitas mangadu-adu dot, manjadi katua ANC, iadili i Pangadilan Pangkhianatan i 1956 sampe 1961, tai ujungna ivonis inda marsala. Bope mulona marunjuk rasa inda marbada, ia dot Partai Komunis Afrika Selatan pajongjong militan Umkhonto we Sizwe (MK) taon 1961 dot mamimpin kampanye pamboman tu target-target pamarentahan. I 1962, ia itangkup dot itudu mambaen sabotase dot marpokat manulingkon pamarentahan, do iukum kurungan saonok ni ngoluna i Pangadilan Rivonia.
Mandela mandalani maso kurungan 27 taon, parjolo i Pulo Robben, sidungi i Kurungan Pollsmoor dot Kurungan Victor Verster. Kampanye internasional na manuntut anso palua ia mambaen Mandela ipalua taon 1990. Sidung manjadi Presiden ANC, Mandela mambaen otobiografi dot marpokat dohot Presiden F.W. de Klerk anso mangapuskon apartheid dot mambaen pamilu multiras taon 1994 na sigot imonangkon ANC. Ia tarpili manjadi Presiden dot mambontuk Pamarentahan Parsadaan Nasional. Salaku Presiden, ia manyusun konstitusi baru dot mambontuk Komisi Napeto dot Rekonsiliasi anso pareso palanggaran-palanggaran HAJ nasolpu. Ia juo patandaon kabijakan reformasi lahan, pamberantasan kamiskinan, dot pabolak cakupan layanan kesehatan. I ruar negeri, ia martindak manjadi mediator antara Libya dot Britania Raya i pangadilan pengeboman Pan Am Penerbangan 103 dot mangawasi intervensi militer i Lesotho. Ia manulak mancalonkan ibana tu padua noli dot igontion ni wakilnia, Thabo Mbeki. Ia sidungi manjadi negarawan paten na usuk tu aktivitas amal tu mangabisi kamiskinan dot HIV/AIDS lewat Nelson Mandela Foundation.
Kontroversial ampir sapanjang ngolunia, alak kritikus kapak kanan mandokon Mandela teroris dot bariba komunis. Bope songoni, ia mandapot pangakuan internasional arani sipat antikolonial dot antiapartheidnia, manarimo lobi tingon 250 panghargaan, tarmasuk Hadiah Pardamean Nobel 1993, Medali Kabebasan Presiden Amerika Serikat, dot Order of Lenin tingon Uni Soviet. Ia lumobi iargai i Afrika Selatan dot lobi targorar dohot gorar klan Xhosa-nia, Madiba sanga tata. Nelson Mandela dodas idokon "aman bangsa".