Wp/btm/Neil Armstrong

From Wikimedia Incubator
< Wp‎ | btmWp > btm > Neil Armstrong
Jump to navigation Jump to search
Armstrong i taon 1969

Neil Alden Armstrong (sorang i Ohio, Amerika Serikat, 5 Agustus 1930 – maninggal 25 Agustus 2012 i umur 82 taon) ima sada astronot, pilot uji coba, teknisi penerbangan, profesor universitas, dot Penerbang Laut Amerika Serikat. Ia ima alak naparjolo na mardalan i Bulan. Dompak so manjadi astronot, Armstrong ima perwira Angkatan Laut Amerika Serikat dot unjung madinas i Porang Korea. Pascaporang, ia manjadi pilot uji coba i Stasiun Penerbangan Kecepatan Tinggi Komite Penasihat Penerbangan Nasional, saonnari Pusat Penelitian Penerbangan Dryden, inganab nia mancatatkon ampir 900 panerbangan. Ia lulus tingon Universitas Purdue dot manyaloseon studi sarjanania i Universitas California Selatan.

Manjadi anggota program panerbangan antariksa alak Man In Space Soonest Angkatan Udara Amerika Serikat dot X-20 Dyna-Soar, Armstrong margabung dohot Korps Astronot NASA taon 1962. Panerbangan antariksa parjolonia ima misi Gemini 8 NASA taon 1966, na saat on ia manjadi pilot komandona dot manjadi warga negara A.S. Parjolo i ruar angkasa.[1] i misi on, ia mambaen parapatan dua wahana antariksa marawak parjolo dohot pilot David Scott.

Panerbangan antariksa paduana dot naparabisan Armstrong uma manjadi komandan misi pandaratan bulan Apollo 11 bulan Juli 1969. I misi on, Armstrong dot Buzz Aldrin turun tu parmukoan bulan dot mangabiskon 2½ jam manjelajahi Bulan, sadangkan Michael Collins totap i orbit i bagasan Modul Komando. Armstrong ilehen hadiah Medali Kebebasan Presiden sian Presiden Richard Nixon rap dohot Collins dot Aldrin, Medali Kehormatan Antariksa Kongres sian Presiden Jimmy Carter taon 1978, dot Medali Emas Kongres taon 2009.

I tanggal 25 Agustus 2012, Armstrong maninggal dunia i Cincinnati, Ohio,[1] i umur 82 taon ambaen komplikasi ni panyumbatan arteri koroner.

Referensi[edit | edit source]

  1. legend Neil Armstrong dies