Wp/btm/Monarki

From Wikimedia Incubator
< Wp‎ | btmWp > btm > Monarki
Jump to navigation Jump to search

Template:Wp/btm/Eksekutif

Monarki (sanga Karajaan) marasal tingon saro Yunani monos (μονος) na artianna sada, dot archein (αρχειν) na artianna pamarrntah. Monarki ima samocom pamarentahan na ipimpin ni sada panguaso monarki. Monarki sanga sistem pamarentahan karajaan ima sistem tartobang i dunia. I pangkal kurun pa-19, adong lobj 900 tahta karajaan i dunia, tai manurun manjadi 240 i abad pa-20. Sadangkan i dekade palapan abad pa-20, umna 40 takhta sajo na lek adong. Tingon bahat ni on, opat negara puna panguaso monarki yang mutlak maia dot salobina puna sistem monarki konstitusional.

Parbedaan i antara panguaso monarki dohot presiden manjadi kapala negara ima panguaso monarki manjadi kapala negara sapanjang hayatnia, sadangkan presiden biasona maniop jabatan on tu jangko woktu tartontu. Tai i negara-negara federasi songon Malaysia, panguaso monarki sanga Yang dipertuan Agung umna markuaso saonok 5 taon dot nangkan igontion dohot panguaso monarki tingon negeri lain i parsekutuan. I jaman saonnari, konsep monarki mutlak ampir inda adong be dot abahatanna ima monarki konstitusional, ima panguaso monarki na ihat kakuasoanna ibaen konstitusi.

Monarki demokratis marbeda dohot konsep panguaso monarki na sapetona. I kabiasoanna panguasa monarki i nangkan mawarisi tahtana. Tai i sistem monarki demokratis, tahta panguaso monarki nangkan margerer-gerer i kalangan piga sultan. Malaysia misalna, mangamalkon ima dua sistem ima karajaan konstitusional dot monarki demokratis.

I abahatan negara, panguaso monarki ima simbol kasinambungan dot kadaulatan negara on. Salain i, panguaso monarki biasona katua agama dot panglima godang angkatan marsinjato sada negara. Songon i Malaysia, Yang Dipertuan Agung ima katua agama Islam, sadangkan i Britania Raya dot negara i toru naunganna, Ratu Elizabeth II ima Gubernur Agung Gareja Inggris. Bope songoni, i maso saonnari on biasona peran manjadi katua agama on ima marsifat simbolis sajo.

Salain panguaso monarki, adong sadebana mocoman kapala pamarentahan na puna bidang kakuasoan na lobi bolak songon Maharaja dot Khalifah.