Wp/btm/Maga Dolok
| Maga Dolok | |
|---|---|
| Huta | |
| Negara |
 Indonesia |
| Provinsi | Wp/btm/Sumatera Utara |
| Kabupaten | Mandailing Natal |
| Wp/btm/Kecamatan | Lembah Sorik Marapi |
| Pamarentahan | |
| • Katua | Nurdin Rangkuti |
| Kodepos | 22994 |
| Bolak | ... km² |
| Bahat nialakna | ... jiwa |
| Kapadatan | ... jiwa/km² |
Maga Dolok ima sala sada huta na adong i kecamatan Lembah Sorik Marapi, kabupaten Mandailing Natal, provinsi Sumatera Utara, Indonesia. sada huta on mandung adong sian on na jolo.
Sejarah
Dompak so igorar Maga Dolok, Najolo hutaon margorar Lumban Balian.
Demografi
Alak Maga Dolok ima Alak Madailing, Najajina ima marga Rangkuti baru Nasution, Batubara/Matondang.
Jaji ni alakna ima urang lobi 150 bagas. Nabahatna ima i banjar dolok baru i banjar lombang. Pancarian nialak ison ima Marsaba, Manakik, Maragat, Markobun dot Mangomo-omo. Alak Maga Dolok bahat nakehe mandaram tu Medan sonijuo tu Jakarta sangape Bogor.
Parjagalan naadong ison taon 2018 ima sabahat 6, tolu i dolok dohot tolu i lombang, ima parjalan si Dollah, Mahadi, Amru, Jamil, Nesmi dohot si Sulhan.
Siriaon sanga marrami-rami na adong i Maga dolok ima molo adong namarkaroan sangape napabuat boru, atia Ari rayo, iadongkon Naposo-Nauli bulung mai acara muloi maraek kotu arirayo paduana ima tarik tali, manari, gimbal goni, pamasuk bonang tu jait, mangela epeng ngon unte godang, manaek batang pining, manembak dot nasing-asing dot acara tolu borngin sidungi, Najolo adong dei acara mardrama tai sidung 2010an mago-mago boti . Oni muda Maulud, Isra' Mikraj dot Nuzulul Qur'an. Muda arirayo oji manombo bahat mai ro alak namandaram mulak ngon medan tu uta giot markurban.
Sinadongan
I Maga Dolok adong 1 Sikola Dasor, 1 Sikola Arob, 1 Masojid namargorar Masojid Babussalam, 1 Suro-suro i Lombang dohot Inganan Marpokat i pudi ni Masojidtan.
Sian taon 2010an madung ibaen dalan-dalan simin ima antara ni bagas nialaki anso bisa mamolus kareta tu bagasan. Muloi taon 2014 ibaen busema dalan-dalan simin tu kobun-kobunan, ima dalan tu Jiret an, dalan tu sipipisan dohot dalan tu sabajae.
