Jump to content

Wp/btm/Louis Armstrong

Add links
From Wikimedia Incubator
< Wp | btm
Wp > btm > Louis Armstrong
Foto Louis Armstrong. Alak Afrika-Amerika marobuk na pondok marumur 50 taonan mangombus trompet.


Louis Armstrong sorang i New Orleans, 4 Agustus 1901 – maninggal i Queens, New York City, 6 Juli 1971 i umur 69 taon alias Satchmo sanga Pops, ima sada parende dot pamain trompet jazz Amerika Serikat sian New Orleans, Louisiana.

Gorarnia tarmashur i taon 1920-an sada pamain trompet dot kornet na "inventif", Armstrong mampangaruhi dasor-dasor musik jazz, manggeser fokus musik jazz tingon improvisasi kolektif manjadi panampilan solo. Borkat sora poroton na borat, khas, dot momo itandaan, Armstrong sakaligus sada parende namarpangaruh, patidaon sinaloan i improvisasi, malencengkon lirik dot melodi ngon sada logu na mangungkapkon ekspresi. Ia juo nalobi malo marlogu scat (malantunkon sora dot hata pangganti lirik).

Tarmashur sada alak na karismatik i ginjang pentas, sora naporoton dot parmainan trompetnia, pangaruh Armstrong dao malobihi musik jazz. I ujung kariernia i taon 1960-an, ia ianggap alak na jaji luas marpangaruh godang tu musik populer sudena. Armstrong ima salah sada tingon panghibur Afrika-Amerika populer parjolo na marhasil "lintas ras". I Amerika Serikat na woktu i sangat tarbagi manurut ras, musiknia justru lobi ponting pado warna kulitnia. Ia jarang mamolitikkan rasnia mambaen jotjot leam rap alak Afrika-Amerika. Tai ia marsikap tegas satontang desegregasi i kasus Krisis Little Rock. Sinaloanna manjadi seniman dot parangenia mambaen Louis Armstrong itarumo dohot sosial i masyarakat Amerika na woktu itu sangat jarang imasuki alak na lomlom.

Tautan ruar

Retrieved from "https://incubator.wikimedia.org/w/index.php?title=Wp/btm/Louis_Armstrong&oldid=5789252"