Wp/btm/Kesukuan dan Mitologi Orang Batak

"Kesukuan" pula isaro Mandailing tola imaknaon manjadi "halak", pula Mitologi isaro mandailing tola imaknaon manjadi "kapurcayaan" tai mangarah tu kapurcayaan ni halak najolo atau lobi tu carito ni natobang pandok ni alak biasona. Alak Batak nabahatan mocom na pala manurut kayakinan dot parcarito ni natobang, dungi nabahatan buse mocom ni carito na marhubungan tu carito alak batak on arana di sada pihak alak Mandailing inda ra bope inda manarimo idokon Batak. Dison nangkan manulis sian carito na umumna dot nabahatna itulis kalak na dianggap mangarti asal muasal ni Batak. Pambagian ni alak Batak ima ibaen tu onom bagian, ima Toba, Karo, Simalungun, Pakpak, Angkola, dot Mandailing. Na onom kalak Batak on tar sarupo don saro na dot adatna kabiasoan na dipake, namarbeda biasona parsoalan logat dot kayakinanna maradat arna parbedaan ni agama pe biasona marbeda, agama na um tobang di Batak ima golarna Parmalim. Pala son di paradatan biasona rap mamake tua ni dalihan na tolu ima na marasal sian hulahula (sian adaboru), dongan tubu (sudaro samarga), boru (namanarimo adaboru), molo di Mandailing biasona idokon mora, kahanggi, anak boru ima marbeda pandokonanna di satiop alak Batak.

Alak Batak Toba manurut kayakinan nalai, alak Batak na parjolo adong ima sian Pusuk Buhit na ro tingon Banua Ginjang (mijur ngon langit). Pangakuan nalai oppung nalai i na dianggap asal ni alak Batak katurunan ni boru dewa Batara Guru namargolar si Boru Deak Parajar dungi marbagas dot anak ni dewa Balabulan namargolar Tuan Rumauhir ato Tuan Rumagorga. Katurunan napaduana sian boru ni dewa i marurutan ima Raja Ihot Manisia dot Boru Ihot Manisia, alai duana sudaro kembar dungi kawin sadaro alai lahirma Raja Miok-miok Patundal Na Begu, Si Aji Lapas-lapas. Raja Miok-miok manurunkon Eng Banua da dungi ading tolu anakna ima Raja Bonang-bonang, Si Aceh, dot Si Jau. Raja Bonang-bonang manurunkon Guru Tantan Debata na dungi adong anakna Si Raja Batak na dungi manjadi oppung ni sude alak Batak. Si Raja Batak adong dua anakna ima Guru Tatea Bulan dot Raja Isumbaon katuran nalai dua mada na manjadi parmulahan ni marga marga na adong di alak Batak.

Sin Pusuk Buhit katurunan ni alak Batak muloi mardalanan giot maranto sakalian manetap di sude huta na bisa ibaen parkampungan dot parusahoan di Sumatera dungi mur manyarsar tu sude huta na adong di negara on boti tu sude duniaon adong alak batak. na tarcatat bope na adong dasarna muloi pangarantoan ni alak batak tu sude huta na di aroroi alai ima muloi sakitar abad 19 sampe tu abad 20. Arana adong pangakuan ni alak Batak bahaso alai do sudena mulana suku na adong di tano sumatera on natarutamona alaka Batak Toba.