Wp/btm/Ibnu Batutah
![](http://upload.wikimedia.org/wikipedia/commons/thumb/0/02/Har%C3%AEr%C3%AE_Schefer_-_BNF_Ar5847_f.51.jpg/220px-Har%C3%AEr%C3%AE_Schefer_-_BNF_Ar5847_f.51.jpg)
Abu Abdullah Muhammad bin Battutah (saro Arab: أبوعبدﷲ محمد إبن بطوطة, Abu Abdullah Muhammad ibn Bathuthah) sanga ipio Ibnu Batutah (24 Februari 1304 - 1368 sanga 1377) ima sada musafir Berber sian on Maroko sian kota Tangier.
Tingon pangajak ni Sultan Maroko, Ibnu Batutah mandikteon deba pardalanan pintingnia tu sada sarjana margorar Ibnu Juzay, na marsuo atia i Al-Andalus. Catatan pardalanannia ipatumpuk i sada kitob bope sadebana mangandung kisah fiksi, Rihlah ima catatan pardalanab dunia natarsingkop na marasal sian abad pa-14. Pardalanannia mangalintasi 120.000 kilometer sapanjang dunia Muslim sian Maroko sampe Tiongkok (tar 44 negara sonnari).
Sorang i Tangier, Maroko taon 1304 Masehi / 703 Hijriah. I woktu poso Ibnu Batutah marsiajar Hukum Islam (fiqih). I taon 1325 Masehi / 725 Hijriyah, i umur sekitar dua pulu taon Ibnu Batutah marangkat tu mokkah menuneon oji[1].
Pardalanannia tu Mokkah lewat dalan darat, manusuri pasisir Afrika Utara sampe tolap i Kairo. I titik on ia i luak Mamluk, na tar aman dope. Jalur na biaso i lewati manuju Mokah adong tolu, dot Ibnu Batutah mamili jalur na paling jarang ilewati: pardalanan manuju sungai Nil, ilanjutkon tu timur lewat jalur darat manuju darmaga Laut Merah i 'Aydhad. Tai, atia donokma kota i, ia ipaksa anso mulak dohot alasan adong dompak parbadaan isi.
Mulak tu Kairo, ia lewat jalur napadua, tu Damaskus (na selanjutna ikuasoi Mamluk), dohot alasan sipaingot ni sadahalak na marsuo i pardalanan naparjolo, molo ia muda get tu Mokkah angkon na lewat Suriah. Kauntungan lain atia mamake jalur pasisir ima marsuona ganan-ganan suci sapanjang jalur on - Hebron, Yerusalem, dot Betlehem, misalna-dot molo panguasa Mamluk manjamin, mengamankan para peziarah.
Sidung mandalani Ramadhan i Damaskus, Ibnu Batutah top dot sada rombongan namalewati pandao 800 mil ngon Damaskus tu Madinah, inganan imokomkanna Nabi Muhammad Shallallahu 'alaihi wasallam. Opat ari dungni, ia palalu parjalanannia tu Mokkah. Sidung mangkarejoon oji, ia marpikir, Ia dungni mamutuskon anso palalu pardalananna. Tujuanna ima Il-Khanate (sonnari Iraq dot Iran).
![](http://upload.wikimedia.org/wikipedia/commons/thumb/5/50/Ibn_Battuta_Mall_on_2_June_2007_Pict_3.jpg/220px-Ibn_Battuta_Mall_on_2_June_2007_Pict_3.jpg)
Dohot top tu sada rombongan, Ia mangalewati parbatasan manuju Mesopotamia dot maradian i najaf, inganan imokomkanna khalifah napaopat Ali. Ngon adun, Ia palalu tu Basrah, lalu Isfahan, na inda sadia onok ihancurkon ni Timur. Dungni Shiraz dot Baghdad (Baghdad inda sadia onok iserang abis-abisan ibaen Hulagu Khan).
I sadun ia marsuo dot Abu Sa'id, pamimpin parabisan Il-Khanate. Ibnu Batutah dungni mangembara rap rombongan panguaso, dungni marbelok tu utara manuju Tabriz i Jalur Sutra. Kota on ima gerbang manuju Mongol, ima pusat pardagangan naponting.
Sidung pardalanan on, Ibnu Batutah mulak tu Mokah get oji padua noli, dot manotop saonok sataon dompak ia palalu pardalanan musafir padua lewat Laut Merah dot pasisir Afrika Timur. Paradianan parjolonia ima Aden, dohotvtujuan get mardagang manuju Semenanjung Arab ngon sakitar Samudera Indonesia. Tai, dompak so i, ia mamutuskin get mambaen pardalanan na parabisan mampersiapkon sada pardalanan sapanjang pasisir Afrika.
Mangabiskon sakitar sapoken i setiop luak tujuannia, Ibnu Batutah kehe tu Ethiopia, Mogadishu, Mombasa, Zanzibar, Kilwa, dot luak lainnai. Mangiutkon parubaan arah angin, ia rap kapal na itompanginia mulak tu Arab selatan. Sidung manyaloseon pardalanannia, dompak so manotop, ia kehe tu Oman dot Selat Hormuz. Dung salose,, ia marsiarah mulak tu Mokkah.
Siding sataonn i sadun, ia mamutuskon get manjalai karejo i kesultanan Delhi. Tu kaporluan saro, ia manjalai panterjemah i Anatolia. Sidungi i toru parentah Turki Saljuk, ia rap dohot sada rombongan manuju India. Palayaran laut sian Damaskus mandaratkannia i Alanya i pantai selatan Turki sonnari. Sian on ia mardalan tu Konya dot Sinope i pantai Laut Hitam.
Sidung manyiborangi Laut Hitam, ia sampe i Kaffa, i Crimea, dot mamasuki tano Golden Horde. Ngon adu ia manabusi kareta dot top dohot rombongan Ozbeg, Khan sian Golden Horde, i sada pardalanan manuju Astrakhan i Aek Volga.
Pautan ruar
- A Tangerine in Delhi — Saudi Aramco World article by Tim Mackintosh-Smith (March/April 2006).
- The Longest Hajj: The Journeys of Ibn Battuta — Saudi Aramco World article by Douglas Bullis (July/August 2000).
- Google Books — link to a 2004 reissue of Gibb's 1929 translation.
- French text from Defrémery and Sanguinetti (1853–1858) with an introduction and footnotes by Stéphane Yérasimos published in 1982: Volume 1, Volume 2, Volume 3.