Wp/btm/Giot bebas
Giot bebas (saro Inggeris: free will), sanga giot bebas, ima sinaloan giot mamili i antara bahat angan-angan marbuat marbeda na mamungkinkon. Hal on tarkait solkot dohot konsep tanggung jawab, pujian, kasalahan, dosa, dot penilean-penilean lain na umna marlaku i parbuatan-parbuatan na ipili dohot bebas. Salain i juo marsangkut dohot konsep sipaingot, persuasi, partimbangan, dot larangan. Biasona umna parbuatan-parbuatan na giot ni roa maia sacara bebas na ipandang pade giot ioloon sanga iparsalaon. Tardapot bahat abiaran marbeda tarkait ancaman-ancaman tu kamungkinan adongna giot bebas, marmocom mardasorkon sanga songondia sapetona pamahaman tu hal on, na manombo manjadi bahan pardebatan.
Sadebana alak mangartion giot bebas manjadi sinaloan sasadaalak giot mambaen pilion na ujungna indape itontuon ni kajadian-kajadian nasolpu. Determinisme mandokon molo umna sada angan-angan parbuatan sajo na mungkin tarjadi, mambaen inda konsisten tu adongna giot bebas on. Masalah on madung iidentifikasi i filsafat Yunani kuno, dot sampe sonnari lek na manjadi fokus utamo pardebatan filosofis. Pandangan on, na mangartion giot bebas inda cocok dohot determinisme, idokon inkompatibilisme dot mancakup bope libertarianisme metafisik, na mangklaim molo determinisme ima sala dot arani i giot bebas mungkin adong, sanga determinisme gogo, na mangklaim molo determinisme i peto dot arani i giot bebas inda mungkin adong. Hal on juo mancakup inkompatibilisme gogo, na manganggap molo bope determinisme sanga panyangkalanna inda sadalan dohot giot bebas, dot arani i giot bebas ianggap mustahil i kaadaan sanga ahape namarkenaan dohot determinisme.