Wp/btm/Geograpi

Peta Bumi

Geografi ima elmu na mamparsiajari satontang ganan dohot parsamaan, dohot parbedaan (variasi) keruangan ni fenomena fisik, dohot manusia i ginjang duniaon. hata geografi marasal sian Saro Yunani ima gêo ("Bumi"), dohot graphein ("tulisan", sanga "manjelaskon").

Geografi juo marupaon golar judul buku marsejarah di subjek on, na tarbonggal ima Geographia tulisan Klaudios Ptolemaios (abad napadua).

Geografi inda na sakadar kartografi, studi satontang peta. Geografi inda na um manjawab aha, dohot di dia di ginjang ni duniaon, tai juo mao di si, dohot inda di ganan nalainnai, manombo diartioan dohot "lokasi ibagasan ruang." Geografi mamparsiajari hal on, bope na patunda alam sanga jolma. Juo mamparsiajari akibat nai disobobkon ni parbedaan na tarjadi i.

Pangartian manurut ahli-ahli

Eratosthenes (abad naoa-1) Geografi marasal sian hata geographica na mararti panulisan sanga panggambaran bontuk muko bumi.

Claudius Ptolomaeus Geografi ima sada panyajian lewat peta tingon sabagian dohot sude parmukaan bumi.

Ullman (1954) Geografi ima interaksi antar ruang.

Strabo (1970) Geografi donok kaitanna tu faktor lokasi, karakterisitik tartontu dohot hubungan antar wilayah sacara kasaluruhan. Pandapot on dungni didokon konsep Natural Attribute of Place.

Ekblaw dan Mulkerne Geografi ima elmu parbinotoan na mampalajari bumi, dohot hangoluanna, mampangaruhi pandangan hidup ta, panganon na ita pangan, pakean ita pake, bagas na ita inganani, dohot tempat rekreasi na ita nikmati.

Paul Vidal de La Blance Geografi ima studi tontang kualitas negara-negara, di dia panontuan sada hangoluan targantung sanga sandia jolma pature alam on.

Prof. Bintarto (1981) Geografi mampalajari hubungan kausal gejala-gejala i parmukoan bumi, bope na marsifat fisik sanga na manyangkut kahidupan makhluk hidup dohot parmasalahanna malalui pandekatan karuangan, kalingkungan, dohot regional tu kapontingan program, proses, dohot kabarhasilan pambangunan.

Hasil seminar dan lokakarya i Semarang (1988)' Geografi ima elmu na mampelajari parsamaan, dohot parbedaan fenomena geosfer dohot sudut pandang kewilayahan, dohot kelingkungan ibagasan konteks keruangan.

Von Rithoffen Geografi ima studi tontang gejala, dohot sifat-sifat permukaan bumi dohot naadong dibagasan na isusun mardasarkon letakna, dohot mancuba manjelaskon hubungan timbal balik antara gejala-gejala, dohot sifat nia.

Haris (2012) Geografi ima sada elmu na mangkaji sagala aspek-aspek adong di ginjang duniaon dohot konsep spasial tu pamanfaatan pambangunan na adong di ginjang duniaon.

Bernhardus Varenius, i karyania na marjudul GEOGRAPHIA GENERALIS, ia mambagi geografi manjadi Geografi absolute Geografi relative Geografi komparatif