Wp/btm/Franz Schubert

From Wikimedia Incubator
< Wp‎ | btmWp > btm > Franz Schubert
Jump to navigation Jump to search
Gambar miak ni Franz Schubert ibaen Wilhelm August Rieder (1875), ibaen from ton 1825

Franz Peter Schubert (pandokonna sari Jerman: [ˈfʁant͡s ˈʃuːbɐt]; sorang 31 Januari 1797 – maninggal 19 November 1828 i umur 31 taon) ima komposer dot pianis markabangsoan Austria. Ia tarmashur arani karyania i ende Moment Musical.

Atia ia marumur lima taon, ayahnia madung mangajarkonnia marmocon hal satontang musik. Onam taon dungni ia masuk sikola musik na lobi targorar i Wina. Sadangkan isi Franz madung muloi menggubah karya musik. Endenia na parjolo ibaen ia i umur 17 taon, marjudul Gretchen at the spinning whell. Sambil ia manjadi guru sikola, tai dungni ia mantak arani ia porlu bahat woktu ge manulis karya musik. Tu epeng kaporluannia ia mambaen les piano. Manombo ia manulis salapan lagu sadari. Manombo ia modom inda namela kacomata nia anso ia bisa langsung manulis molo ia tarsonggot i tonga borngin dohot ide sada lagu. Dompak so marumur 20 taon, ia madung manulis onam simponi. Muda sudena ia madung manghasilkon sambilan simponi. Dua iantarana sangat targorar ima Symphony No. 8 in B minor(simponi nomor 8 i nada B minor) na idokon dohot judul Unfinished Symphony dot Symphony No. 9 in C minor na idokon dohot judul Great Symphony arani lobi lanjang. Karya-karya Schubert ima karya-karya musik i marmocom bontuk tu orkes dohot ukuran na marbeda-beda. Ia madung manulis 100 ende. Iantarana na sampe saonnari iangap natardeges, ima Ave Maria, Who is Sylvia?, The Trout, dot Serenade. Franz Schubert maninggal i umur 31 taon, tai ia madung mambaen ampir 1.000 karya musik.


Pautan ruar[edit]