Wp/btm/Elvis Presley

From Wikimedia Incubator
< Wp‎ | btm
Wp > btm > Elvis Presley
Presley i sada gambar publisitas tu film 1957 Jailhouse Rock

Elvis Aaron Presley (sorang i Tupelo, Mississippi, Amerika Serikat, 8 Januari 1935 – maninggal i Memphis, Tennessee, Amerika Serikat, 16 Agustus 1977 i umur 42 taon) ima sada parende-panulis ende dot pemeran Amerika. ianggap manjadi salah sada ikon kabudayaan paling ponting i abad pa-20, ia jotjot idokon dohot gorar "King of Rock and Roll" sanga pondokna "the King".

Presley sorang i Tupelo, Mississippi, dot pindah tu Memphis, Tennessee dohot alai sabagas woktu ia marumur 13 taon. Karier musiknia imuloi isadun taon 1954, pas i maso iatia ia mangarekam sada ende dot produser Sam Phillips i Sun Records. I dongani gitaris Scotty Moore dot pamain bass Bill Black, Presley ima salah sada alak parjolo na mampopulerkon rockabilly, uptempo, parcampuran musik country dot rhythm and blues na obankon dohot backbeat. RCA Victor mangakuisisi kontraknia dohot pangecean nai usaoon ni Colonel Tom Parker, na pature parende on saonok lobi tingon dua dekade. Singel RCA parjolo Presley, "Heartbreak Hotel", irilis i Januari 1956 dot manjadi hit nomor sada i Amerika Serikat. Ia ianggap manjadi figur utamo tingon rock and roll sidung bahat acara tampil i tipi dot rekaman-rekaman na paling ginjang tangga ende. Tafsiran ende-endenia na energik dot gaya tampilan provokatif seksualnia, mardomu dohot campuran pangaruh potensi marwarna-warna na sedalan dohot Gorakan Hak Sipil, na mambaenia manjadi populer—dot kontroversial.[1]

Sumberna[edit | edit source]

  1. https://www.britannica.com/biography/Elvis-Presley