Wp/btm/Elizabeth I sian Inggris
| Wp/btm/Elizabeth I sian Inggris | |
|---|---|
| |
| "Gambar Darnley" Elizabeth | |
| Mamarentah | 17 November 1558 – 24 Maret 1603 |
| Panobatan | 15 Januari 1559 |
| Parjolo | Mary I |
| Panggonti | James I |
| Sorang | 7 September 1533 Istana Placentia, Greenwich, Inggris |
| Mangkat | Wp/btm/24 Maret Wp/btm/1603 (umur 69) Istana Richmond, Surrey, Inggeris |
| Makam | Biara Westminster |
| Wangsa | Wangsa Tudor |
| Amang | Henry VIII |
| Inang | Anne Boleyn |
Elizabeth I (7 September 1533 – 24 Maret 1603) ima ratu Karajaan Inggeris dot Irlandia sian 17 November 1558 sampe maninggalna. Ia manombo idokon "The Virgin Queen" (Ratu Bujing), "Gloriana", sanga "Good Queen Bess". Elizabeth ima monark palima dot naparabisan tingon Dinasti Tudor. Ia ima boru ni Henry VIII dot Anne Boleyn, tai inangnia iukum mate dua satonga taon sidung hasoranganna, dot marripena Anne dohot Henry VIII ibotalkon, mambaen Elizabeth ianggap manjadi danak naso sah. Sudaro dapotnia, Edward VI, manjadi raja sampe maninggalna i taon 1553, dot dompak so maninggal ia manyorahkon tahta tu Lady Jane Grey, na martontangan dot undang-undang na marlaku atia i dot patopi Elizabeth dot Mary. Tai, giotni Edward inda iroaon; Mary manjadi ratu dot Lady Jane Grey iukum mate. I taon 1558, Elizabeth manggontion sudara dapotnia, bope nasolpu Elizabeth ikurung ampir sataon arani iagan marbariba tu pambarontak Protestan.
Elizabeth mangkajo mamarentah mardasorkon sipaingot na topek,[1] mambaen ia sangat margantung tu hatobangon-hatobangon naipurayoinia na ipimpin ni William Cecil, Baron Burghley. Salah sada nadibaon nia parjolo ima pajongjong mulaj gareja Protestan Inggeris, dohot Elizabeth manjadi Gubernur Targinjang (Supreme Governor). Gareja on nangkan markembang manjadi Gareja Inggeris atia i. Elizabeth iaropkon nangkan marripe dot nangkan mardaganak patorus garis katurunan Tudor. Tai, ia inda jungada marripe, bope jotjot margandak. Elizabeth dungni targorar i sinabujingannia, dot ri kultus na bisa iligi i bontuk gambar, mangudurkon, dot turi-turian.
Atia mamarentah, Elizabeth lumobi moderat tingon amangna dot sudaro-sudaronia.[2] Salah sada slogannia ima "video et taceo" ("Au mangaligin dot inda mandokon sanga-aha").[3] Ia relatif toleran tu kapurcayoan lain dot inda mamparkanciti arani on. Sidung taon 1570, atia paus mandokon molo ia ima panguaso naso sah dot anggotania inda porlu patuh tusia, adong-adong konspirasi mangancam nyawania. Tai, sude upayo get mandabuon Elizabeth bangor borkat agen rahasia menteri-menterinia. I urusan ruar negeri, Elizabeth sangat inte dot marpindah-pindah antara Perancis dot Spanyol. Ia marsasatonga roa tu marbariba i kampanye militer naso pas dot urang ibalanjoon i Bolanda, Perancis, dot Irlandia. I partongaan taon 1580-an, porang dohot Spanyol indabe tarilakkon, dot atia Spanyol mandokon nangkan patalu Inggris i taon 1588,
Sumberna
- ↑ (Indonesia)"Saya bermaksud mengarahkan tindakan saya berdasarkan anjuran dan nasihat yang baik." Pidato pertama Elizabeth sebagai seorang ratu, Hatfield House, 20 November 1558. Loades, 35.
- ↑ Starkey Elizabeth: Woman, 5.
- ↑ Neale, 386.