Wp/btm/Christopher Columbus

From Wikimedia Incubator
< Wp‎ | btmWp > btm > Christopher Columbus
Jump to navigation Jump to search
Christopher Colombus igambar i abad pa 16

Kristoforus Kolumbus (sorang 30 Oktober 1451 – maninggal 20 Mei 1506 i umur 54 taon) ima sada panjelajah dot parniaga sian Genoa, Italia, na manyiborangi Samudera Atlantik dot sampe tu benua Amerika i tanggal 12 Oktober 1492. Pardalanan on iongkosi Ratu Isabella sian Kastilia Spanyol sidung ratu on marhasil patalu Andalusia. Ia purcayo molo Bumi marbontuk bola namenek, dot manganggap sada kapal dapit sampe tu Timur dao lewat dalan barat.

Kolumbus inda alak naparjolo na tolap i Amerika, na ia dapoti madung ijuguki. Ia juo inda alak Eropa parjolo na tolap tu benua i arani saonnari madung iakui secara meluas molo alak-alak Viking sian Eropa Utara madung unjung kehe tu Amerika Utara i abad pa 11 dot pajogjong koloni L'Anse aux Meadows santongkin. Tardapat parkiroan molo pelayar na inda itandaan unjung maradian i Amerika dompak so Kolumbus dot pabotohon dohot sumber tu ajayaanna. Tardapot juo bahat teori satontang ekspedisi tu Amerika ning bahat kalak sapanjang maso i.

Kolombus manyangko molo pulo on naso unjung iingananan, inda pe adong kalak sama sekali. Alai marangan-angan manjadion pulo on manjadi pabolak luak ni Spanyol. Tai sidung masuk, Kolumbus rupana tarsonggot mangida bagas na ampir unjung ia ida najolo atia mandarat i Afrika. Parjolo Kolumbus isambut dohot denggan ibaen suku Indian, tai sidung binoto niat buruknia ro di pulo on, Kolombus bahat mandapot parlaonan tingon halak asli. Sadebana armada kapal puna rombongan Kolombus ibonomkon par suku Indian arani alai marasa targanggu dot tarancam arani haroan ni Kolombus.

Siteleng[edit]

Pautan ruar[edit]