Wp/btm/Bagas Godang

From Wikimedia Incubator
< Wp‎ | btmWp > btm > Bagas Godang

Bagas Godang ima bagas berarsitektur Mandailing dot kontruksi na khas. Bentuk na opat parsogi opat (persegi panjang) na I sangga dot ayu-ayu nagodang na jumbah na ganjil. Ruang nai terdiri gon ruang jolo, ruang tonga, ruang modom, dot dapur. Na I baen gon ayu, martaruma dot pitu sanga sambilan anak ni tangga, marpintu na bolak dot suara nai na gogo pala I buka. Kontruksi atap marbentuk tarup silengkung dolok songon tarup ni padati. Sada komplek dot Bagas Godang adong Sopo Godang, Sopo Jago, dot Sopo Eme. Sudena magadop tu Alaman Bolak.

Alaman Bolak ima bidang alaman na bolakan dot datar. Selain I marfungsi tu tempat prosesi adat, ima jadi tempat markumpul ni masyarakat. Jot-jot juo idokon alaman bolak silangse utang. Maksudna ise pe na marlojong tu halaman i manjalaki keselamatan, ia ilindungi raja.[1]

Sopo Godang imada tempat ni mamusyawarahkon peraturan adat. Salain I, tempat on juo i jadikon baen pertunjukkan kesenian, tempat marsiajar adat dot kerajinan, bisa juo jadi tempat ni musyafir bermalam.Marmocom patik, uhum, ugari, dot hapantuna lahir gon tempat on. I juo isiapkon tu manarima tamu-tamu na terhormat. I rancang martaruma dot inda mardinding so bisa panduduk mangikuti sude kegiatan I bagasan. Harana Sopo Godang I dokon Sopo Sio Rangcang Magodang, inganan ni partahian paradatan, parosu-rosuan ni hula dohot dongan.

Sopo Jago ima tempat naposo bulung juguk-juguk sekalian manjago keamanan desa.

Sopo Godang ima tempat manyimpan Gordang Sambilan sanga alat-alat seni kerajaan lain. Alat-alat i biasana ianggap sacral

Sopo Eme sanga Hopuk ima tempat manyimpan eme na mandung I ipanen, lambang kemakmuran I huta.

Sude komplek bagunan bagas Godang na jolo I inda marpagar. Sakalipe raja na manempatina, ima sude bagunan i anggap milik masyarakat dot I muliakon warga huta.

I Mandailing, adong marmocom bentuk ni orgamen (hiasan) tradisional adong ita nida I bagian ni Tutup Ari gon Sopo Godang (Balai Sidang Adat) dot Bagas Godang (bagas Godang Ni Raja).

I saro Mandailing, orgamen-orgamen i idokon bolang na marfungsi tu symbol sanga lambang na adong makna-makna na dalam tu masyarakat Mandailing.

I bagasan adong nilai-nilai, gagasan-gagasan, konsep-konsep, norma-norma, kaidah-kaidah, hukum, dan ketentuan adat-istiadat na manjadi landasan i pengangan ibagasan mengharungi bahtera kehidupan. Bolang sanga ornament tradisional Mandailing na igunaon tu Tutup Ari marlambang ibaen gon tolu jenis material.[2]

Tutup Ari Bagas Godang[edit | edit source]

  1. Tumbuh-tumbuhan, songon batang bamboo na malambangkon huta sanga bona bulu, burangir sanga aropik namalambangkon Raja dot Namora Natoras songon ganan ni maido tolong, pusuk ni robung na idokon bindu namalambangkon adat Dalian na Tolu sanga adat Markoum-Sisolkot.
  2. Hewan, songon Kalajengking dot Lipan namalambangkon “bisa” na adong kekuatan hukum, ulok namalambangkon kebesaran dot kemuliaan, parapoti namalambangkon kegiatan manjalaki nafkah get manghidupkon keluarga, tanduk ni orbo namalambangkon bangsawan.
  3. Peralatan hidup sehari-hari, songon timbangan dot pedang namalambangkon keadilan, tempurung namalambangkon pertolongan na namambutuhkon, loting namalambangkon usaha-usaha manjalaki nafkah, dot lain-lain nai.

Sumberna[edit | edit source]

  1. https://sumut.indozone.id/fakta-dan-mitos/Z8seP39/inilah-bagas-godang-singengu-di-mandailing-natal-tetap-gagah-meski-termakan-usia/read-all
  2. https://web.archive.org/web/20210425070725/https://kebudayaan.kemdikbud.go.id/bpcbaceh/bagas-godang-mandailing/