Wp/btm/Badak Sumatera
Badak sumatera, juo didokon badak Namarobuk sanga badak Asia bercula dua (Dicerorhinus sumatrensis),[1]ima spesies langka ngon famili Rhinocerotidae dohot tarmasu sada ngon lima spesies badak na adong dope. Badak sumatera ima sada-sadana spesies na terlestarion ngon genus Dicerorhinus. Badak on ima badak namenekna, bope na targolong hewan mamalia na godang. Ginjanhna 112-145 cm sampe tangkuk, dohot lanjang sudena sibuk dohot ulu 2,36-3,18 m, dot lanjang ikurna 35–70 cm. Boratna ilaporkon markisar antara 500 sampe 1.000 kg, dohot rata-rata 700–800 kg, bope adong sada catatan mangenai sada spesimen dohot borat 2.000 kg. Sangasogondia spesies badak Afrika, badak sumatera puna dua cula; na lobi godang ima cula i igung, biasona 15–25 cm, sadangkan cula na lain biasona marbontuk songon sada pangkal. Ampir sude sibuk ni badak sumatera marobuk marwarna coklat tarrara.
Spesies on unjung tinggal arangan na ngali, paya, dohot arangan tor i India, Bhutan, Bangladesh, Myanmar, Laos, Thailand, Malaysia, Indonesia, dohot Tiongkok. I sejarahna, badak sumatera najolo tinggal i sabolah barat daya Tiongkok, tarutamo di Sichuan. [2][3] Alai sonnari tarancam punah, dohot onom nai doma populasi na targodang i alam liar: opat i Sumatera, sada i Kalimantan, dohot sada i Semenanjung Malaysia. Bahatna badak sumatera payah itontuon harana alai ima hewan nasada sadana sajo na ingananna bolak, tai dapot iparkiraon anggo jumlahna urang ngon 100 ekor. Inda pasti mangenai kalangsungan ngolu populasina i Semenanjung Malaysia, dohot populasi i Sumatera mungkin madung punah. Bahat nialai saat on mungkin 80 ikur nai doma.[4] i taon 2015, ahli mangumumkon molo badak sumatera timur i sabolah utara Kalimantan (Sabah, Malaysia) mandung punah.[5]
I sapanjang maso ngoluna, badak sumatera ima binatang nasora mardongan, lain waktu kawin dot pature katurunan. Alai ima spesies badak na lumobi oruk dohot juo mangecek dohot cara manandai tano dohot patna, mamulos ayu namenek sampe mambontuk pola, dohot maninggalkon kotoranna. Spesies on dao lobi deges i parsiajari pado badak jawa na sarupo tartutupna, sadebana ibaen naiadongkon program na mangoban 40 badak sumatera tu konservasi ex-situ dohot tujuan malestarion spesies on. Program on ianggap manjadi mara ning namambaen on; ampir badak on sude mate dohot inda adong namaranak ampir 20 taon, sampe manggambarkon panurunan populasi na mungkin lobi jat pado habitatna i arangan godang.
Referensi[edit | edit source]
- ↑ Badak Sumatera, WWF, isise 7 Desember 2015
- ↑ (Inggris) Chapman, Jan (1999) The Art of Rhinoceros Horn Carving in China. Christie's Books, London. ISBN 0-903432-57-9. p. 27
- ↑ (Inggris) Schafer, Edward H. (1963) The Golden Peaches of Samarkand: A study of T'ang Exotics. University of California Press. Berkeley and Los Angeles. p. 83
- ↑ (Inggris) "Sumatran rhino numbers revised downwards". Save The Rhino. 18 March 2012.
- ↑ (Inggris) Patrick Lee (August 21, 2015). "Sumatran Rhino vanishes from M'sian jungles".