Wp/btd/Skl/basa singkil zaman now
Basa Singkil Zaman Now
Oleh : Mulyadi Kombih
(ASN sang Pemko Subulussalam bak Penulis Kamus Umum Basa Singkil bak buku Pedoman dan Tatacara Penulisan Basa Singkil)
Basa Singkil idi mo sada basa pengantar si mbue kenak pakek di Kabupaten Aceh Singkil rebak Kota Subulussalam. Selain idi, mbue mang digunaken sebage basa sapo di Aceh Tenggara. Basa Singkil banteng den sada rumpun rebak pepiga basa daerah sileban, idi mo ; Basa Pakpak, Alas, bak Keluwat di Propinsi Aceh bakken Karo di Sumatera Utara. Selain idi, Basa Singkil pe mbue mang persamaen bak kemiripen kosakata rebak Basa Tebba, Mendeleng bak Simalungun di Sumatera Utara. Bagas basa Singkil, bahasa didokken basa, sementara kata bahasa mola basa Singkil ertina anak dukak si oda petangis. Bage basa sileban di Indonesia, bagas perkembangenna Basa Singkil pe mbue kenak pengaruh oleh basa-basa selain Basa Singkil. Nampang kosa kata basa-basa asing idi nai diserap secara utuh menjadi Basa Singkil. Selain basa asing, begenden Basa Singkil pe mbue mengalami perubahen kuliken modernisasi penuturna. Mola sebaden en Basa Singkil hanya dua dialek keccak, idi mo Soraya bak Cinendang. Idi pe situhuna perbedaen kedua dialek Soraya bak Cinendang hanya lot pepiga kosa kata sambing, inti situhuna perbedaen dialek enda lebih mi aksen ato penekanan irama mecerok. Seiring perkembangan zaman, bagas sada dasawarsa pepudien Basa Singkil seolah-olah muncul nola dialek lembaru, idi mo dialek Zaman Now atau dialek Milenial, si kian wari kian mbue kalak mengruapkenna, sehingga karu ate ndekkah kedekahenna menghilangken keaslien Basa Singkil idi sendiri.
Penutur bak Sebaran Penutur
Penutur Basa Singkil dialek lembaru enda umumna tading di Kota Subulussalam idi pe mbueen di kecamaten Sultan Daulat hususna di kemukimen Paser Bello. Sileban lot mang sang pepiga kuta bagas Kecamaten Runding bage Kampong Dah, Sibungke, Panglima Sahman, bak Tanoh Tumbuh. Pepiga desa sileban di kecamaten enda bage Lae Mate, Kuala Kepeng, Sibuasen bak sileban pe lot simbak tapina odam bue. Untuk wilayah Aceh Singkil pengguna dialek enda lot di sebahagien kemukiman Kuta Baharu bage Lenteng, Butar bak Lapahen Boya, begi pe di pepiga kuta di kemukimen Singkil bage Ranto Nggeddang, Teluk Ambun bak Kuta Simbuling. Dialek lembaru enda, umumna diruapkan oleh anak-anak perana semenguda bak tetua alang-alang merumur di teruh 40 tahun, beli pe lot pepiga baboen pasa idi.
Pola Pengruapen Lembaru
Basa Singkil dialek baru enda, lot semacam pola merobah kosakata si mungkahna kata si dipungkah rebak fonem /b/, merobah menjadi fonem /w/. Sada pola nai merobah sora kata si dipungkah rebak fonem /d/ menjadi fonem /r/. Pepiga contoh dari perubahan enda ;
- babah (mulut) merobah menjadi wawah,
- babo (diatas) menjadi wawo,
- sabat (sahabat) menjadi sawat,
- dike (mana/dimana) menjadi rike,
- medalan (berjalan) menjadi meralan,
- dahi (jemput) menjadi rahi.
Bagas Basa Singkil sendiri, sejatina oda lot sada poda kosakata si mesora /r/ nantak, tapina ratana mesora aveolar sebage gh, otang mang kh. Kosakata Basa Singkil si mengandung fonem /b/ begi mang /d/, pada umumna mesora nipis, oda bage sora bagas Basa Indonesia. Pengruapen sora /b/ sang kata bangku bagas Basa Indonesia si ertina korsi, oda bali pengruapenna rebak bangku sang Basa Singkil si bagas Basa Indonesia berarti untukku. Bagas Basa Singkil pengruapenna /b/ lebih nipis sehingga seolah-olah memang bage sora /w/ si moncol. Begipe pengruapen sora /d/ sang kata sadar bagas Basa Indonesia oda dos rebak sora /d/ sang kata sada, sang kata sada sora /d/ lebih nipis.
Menarikna tole pola pengubahen kosakata enda, kita simbaki di daerah-daerah bak usia kategori bage disebut di babo ndai kecca lot. Sehingga mbue kita simbak anak malah mebeda artikulasina rebak keluarga di sapona bage bapakna, cecekna begi mang ogek-utina. Oda jarang kita simbak, bapak bak inangna mendokken babah namun anakna wawah, Taktuanna meruapken bangku leba, adikna wangku lewa. Sehingga bage penutur-penutur Basa Singkil diluar kuta si ndai, enda dianggap sebage modifikasi si mehora namun biasa. Biasa kuliken seolah-olah dibebeli bak anggapen enda sada khazanah kebeaken Basa Singkil. Penutur Basa Singkil si awalna tading di daerah-daerah dimaksud ndai namun enggo hijrah mi luar semakden tahun 2000-en, oda ikut sebage penganut Basa Singkil kreasi lembaru enda.
Pepiga penutur si dikiseken, jingngil basa bage siruapkenna idi mo nina si tuhuna bak asli. Bahken lot si mendokken mola pengruapen /b/ nipis idi ndai otang no Basa Singkil, namun anggapna nola sebage Basa Pakpak. Belli pe lot semacam pola perbedaen kosakata Basa Singkil bak Basa Pakpak bage si dokkenna i, tapi situhuna idi oda no mo ratana leh, dan oda mang jadi disapurata begi. Pola perbedaen idi lot sang contoh kosakata;
- abe (Pakpak) ato wajah, awe (Basa Singkil)
- abak (Pakpak) ato pinggang, awak (Basa Singkil)
- tertaba (Pakpak) ato tertawa, tetawa (Basa Singkil)
- sibah (Pakpak) ato sembilan, siwah (Basa Singkil)
Padahal pola bage enda pe lot si tebalik, /w/ sang Basa Pakpak malah akan menjadi /b/ sang Basa Singkil, bage contoh ; nda weh atau oda weh mola bagas Basa Singkil menjadi oda beh nola. Perlu mang sada tindaken untuk memurnikan balik Basa Singkil bage sikahiya, paling mada dikiseken keluarga ndessing nai si banteng meruapken /b/ bak /d/, mola dikiseken kalak sileban ma’ norok. Mola kita bebeli akan hal enda karu ate nahan melegitimasi dialek lembaru idi ndekkah kedekahenna nahan menghilangken basa aslita kuliken penuturna kian wari kian metambah. Maka akan balik mo bekune basa Minangkabau kahiya basa Minangkabau runi nai soh begenden merurat bagas syair bak pantun Metonjong, Alo Rendang rebakken Medendang sang Suku Singkil.
terjemahen dari senda : http://aceh.tribunnews.com/2018/11/04/basa-singkil-zaman-now