Wp/brx/बर' राव

बर' राव" (Boro language/ Bodo language) आ जाबाय आसाम हादोरसायाव थानाय बर' मुंनि मोनसे मंगलिय फोलेरनि गेजेराव सोलिनाय, रायज्लायनाय राव। बेयो मोनसे जारिमिना मोन्दांस' हायि समनिफ्राय सोलिबोनाय गोजाम राव। 1952 मायथाय बर' थुनलाइ आफाद गायसन जानाय बोसोर बेनि सिगां आरो उन आथिखालसिम बे रावजों थुनलाइ सोरजिबोनाय जाबाय थाबोदों। खन्थाइ, रायथाइ, सुंद' सल, सल'मा, थुन फावथाइ बायदि रोखोमनि थुनलाइनि आयदायाव थुनलाइ सोरजिबोनाया जाबोबाय थादोंमोन। बर' रावआ आथिखालाव मोनसे मान गोनां राव जाबाय। बे राववा गाहायै कक्राझार ओनचोलनि रायजायग्रा राव।

जारिमिन आरो रावआरि बाहागो राननाय

चीन हादोराव हान राज फोलेरा रायजो खुंनाय समाव, राजखान्थियारि जाहोनाव इयां सिकियां दैमा सेरफांनिफ्राय मंगलय फोलेरनि बर' कछारीफोरा तिब्बतआव हाबफैयो। तिब्बतनिफ्राय बिसोर फालांगि लामाजों हिमालय, गंगार हाजोनि हायेनाव आरो सा सानजा बुरलुंबुथुर दैमाजों दानि आसाम, सा सानजा बंग आरो त्रिपुरायाव गोसारहैयो। बिसोर बड>बड>बर' मुंयै मिथिजायो। चीन तिब्बतारी बे रावखौ मोननै गिदिर बाहागोआव पण्डितफोरा रानदों-, 1.तिब्बत बर्म्मारी, आरो 2. थाइ चीनारी। तीब्बत बर्म्मारीनि गिदिर दालाइया जादों बर' नागा। गुदियाव बर' नागा मोनसे फोलेरनिमोन। उनाव नागाफोरा गावलांदों। बर' गुदि बिफांनिफ्राय ओंखारनाय गाहाय रावफोरा जाबाय-, डिमासा, गार', राभा, चुतिया, लालुं, हाज' आरो टिपरा।

बे रावआ आसामनि डिमासा आरो टिवा, मेघालयनि गार' आरो ट्रिपुरानि ककबरक रावजों खाथि सोमोन्दो दं। 1991 माइथाइनि सुबुं सानखोनि बादिब्ला बर' राव राइज्लाइग्राफोरनि अनजिमाया गासै 1,984,569 (बर' 1,325,748), (मेच 659,821)।

भुमखौरांआरि बाहागो राननाय

• आसाम

दरं जिला

नगाव जिला

कामरुप जिला

गवालपारा जिला

शिबसागर जिला

लखिमपुर जिला

• सोनाब बेंगल

डारजीलिं जिला

जलपाइगुरि जिला

कछ बिहार जिला

• मनिपुर

चेनदाल जिला(टेंनैपालाव)

• मेघालय

सोनाबनि तिक्रिकिल्ला ब्लकनि मोन 7 गामिफोर

गार' हाजो जिला

सानजा खासि हाजो जिला

लिरनाय खान्थि

बर' रावखौ लिरनो थाखाइ देवनागिरि हांखोखौ बाहायो, बे रावआ गोदो लिरनो थाखाइ असमिया आरो बांला हांखोखौ बाहायोमोन। गेजेर स'सेयाव रमान हांखोखौ बाहायनोबो नाजादोंमोन। रमान हांखोखौ बाहायनो आसाम सरकारनाव गनायथि बिनानै सोमावसारनानैबो गोबां बर' सुबुंफोरा आसाम सरकारनि फाइखि हान्जानि आखाइयाव जिव गारनांदोंमोन। मुख्लं जानांदोंमोन। बेयो बर' हारिनि मोनसे दुखु गोनां जारिमिन जानानै थाबाय। आसामनि मुंदांखा कलागुरु बिष्णु प्रसाद राभानि बादिब्ला गोदोनि समाव बर'फोरा "देवधाइ" मुंनि मोदाइ हांखोखौ लिरनो थाखाय बाहायदोंमोन बेनि बिदिन्थि महरै दिमापुर नोगोरनि बायखोन्दा नेरसोफोराव थानाय दानख'नाय हांखोफोरानो। जेबो जारिमिनारि फोरमान गैयैयाव, बर'फोरनाव थुनलाइ सोरजिनायनि हुदा गैयैनि थाखाय जों बेफोरखौ रोखायै बुंनो हाया जानानै थाबाय।

आरोबाव नाय

• बर' सुबुं।।र।।ब
• बर।।धोरोम।।।बाथौ।।
• ।बायदि।।दं।
• बर' रावखान्थि
• बर' थुनलाइ आफाद
• ककबरक राव

रायखांथि

हेफाजाब खालाम

बायजोआरि जायगा

• एबले, मार्क (2006) The Verbs of Boro, लस्ट मेगाजिन, मार्च 2006
• Bodoland.org
• बर' राव
• Bodo computing resources at TDIL
• राव खौरांथाइ सम्फद – भारत