Wp/brx/गामसा

गामसा

गामसाया बर' हौवाफोरनि बाहायग्रा एंगारहायै रोखोमसे जांगोन। बर'हौवानि सिनायथिआ गामसानि गेजेरजों बेरखाङो। बर' नख'राव बर' हौवासा गथ', सेंग्रा आरो बैसोगोरा हौवा गासिबो गामसा गाननानै थायो। हाबा खेराइफोराव गामसा आरो आर'नाइ गाननानै बाहागो लानाय जायो। गामसाखौ जानजिनिफ्राय हान्थु बारजासिम गाननाय जायो। ओरैनो थानाय समाव नाङाब्लाबो फोरबो फालिनाय, इसोर एबा आलासि सिबिनाय, हारिमुवारि मोसानाय समफोराव गामसा सारामाय एबा लेंथि थेबनाय जायो। गामसानि गाबआ गोथां,गोजा, गुफुर बाइदि गाबनि जायो आरो बेनि फारनै रुगुंआ फारि गोनां जायो।गुबुन जिखौ दानायबादि, गामसाखौबो बेबादिनो बर' आइजोआ नआवनो दानानै दिहुननाय जायो।दानि मुगायाव गामसाखौ हाथायावबो बायनो मोनो।