Wp/brh/Satumbar 11 ná julav

2001 aŧí, Satumbar ná 11 táríx á, al-Káidá ná daeşatgard ák 4 bálíjaház ná mon e zor aŧ aŕsár o Amríká ná Baddhá Riyásat á aviŕdao julav as karer. Dáftián irá jaház e Niú Yárk aŧí World Trade Center ná Twin Towers (laozí matlab ta: joŕí mínár) aŧí ŧakkar tiningá, aráŕán aŕtomá mínárk đaģár á buss massur, o elo kaí amsáya máŕí te am távání karer. Musiŧamíko jaház e Varjíníá ŧí Pentagon aton ŧakkar tiningá, o cáramíko jaház ná suárík o amaldár ák jaház e daeşatgard átá kaoza ģán xalás kanning ná juhd karer vale dá jaház Pensalveníá ŧí band áteŧí tammá o traxxá. Dá jaház ná nişána Váşingŧan aŧí Baddhá Riyásat ná dárulukúmat ass.

Anná de á 3000 bandaģ kaskur - 246 ar cár jaház áteŧí, 2603 joŕí mínár o oftá xuŕk aná iláka ģáteŧí o 125 Pentagon aŧí. Kahok ák faojí allavesur, o 90 án geş mulk án táluk tixoko ass iŧí tá.