Wp/brh/Bráhuí Pin

From Wikimedia Incubator
< Wp‎ | brhWp > brh > Bráhuí Pin
Jump to navigation Jump to search

Bráhuí pin[edit]

Laoz "Bráhuí" amar pin tammá? dá bábat zabán cáokák jitá jitá ít kareno dunki,

A.W,Hughes[edit]

Hughes "Bráhuí" pin tammińg ná savab áte dávaŕ darşán kek, "Bráhuí o Nároí ŧí fark affak, "Rava" Siráikí ŧí Maş e pára.Nároí maedán teŧí raheńgra, dá aŕtomák Arab nasl án o, o dáfk Balocistán ná asal o andí á bátíko".

Mámad Sardár xán Baloc[edit]

Sardár xán baloc laoz "Bráhuí" ná pin tammińg á dávaŕ darşán xiál karene,"laoz Bráhuí ná icco naslí o mafúm as aff.dá bíra ilákáí o pin ase ará sifattí o darşání as kek".

Ðákŧar Abul Ráhmán Bráhuí[edit]

laoz Bráhuí ná mána o matlab ná bábat, Ðákŧar Abul Ráhmán Bráhuí, ná dá xiál e ki, laoz "Bráhuí" mutkuná Fársí zabán ná laoz ase, ará matlab "maşí á bandaģ" ná e.

Gul Xán Nasír o Malik Sáleh Lahŕí[edit]

Bráhuí pin tammińg ná rid aŧ Gul Xán Nasír o Malik Sáleh Lahŕí ná xiál ák asiŧ o, ofk pára, "Bráhuí xalkat, elo baloc átá nisbat vaxtí amper, o Al-Burrz maş aná eb o kehb aŧ ankení massur," "Burrz koh" ná savab án "Burrz kohí" pin tammár, ará aeno "Bráhuí" ná droşum alk.

mustí xuánińg kin rumáişt[edit]

dá sarál án pen valad mannińg kin Gul Xán Nasír ná "Koc o Baloc" e ubbo.

Colonel Sir T.H Holdich[edit]

Colonel sir Tomas Hungerford Holdich, Bráhuí pároká tá bárav aŧ dun páik, "dáft' vatan "Kalda" e, ará dariá Frát ná suel kutbí pára ģáŧe,ará Xalíj Fáras án Bábul iskán tálán e." Bábul ukúmat ná pinnińg án guð dá Áşorí saltanat ná asi başx as ass.ará Azrat Ísá ná vaddişt án 1000-600 sál must iskán ukumrání kare.dá amo daor e,arátam Baní Isráíl,Dáúd (alae slám) ná kamáşí ŧí Falastín aŧí tená ukúmat e joŕ kare. Baloc ák Arabistán án peştammińg án pad Eşiá-e- kocakk o Irák áŧí ankení massur, andákán ampisá 'Ílum Máźandrán' o Fáras á bassur, padán Kirmán án barisá Balocistán aŧí bassur, Bráhúí párokák,arátam dáŕe bassur to dáŕe(Balocistán) Drávaŕí, Medí, Írání o Túrání kaomák ábád assur.

Bráhuí o Barva[edit]

Pin "Bráhuí" amar dod alk? dá bábat asi jitá xám ázmúnda o ít as moná barek ki, "Bráhuí", "Barva" ná şontar á droşum e, "Barva" mulk Şám aŧí asi dariá se ná pin e.ará Halabb ná xuŕk, Jabal Lubnán án peş tammik o Ateba ná cakkul(Jíhl) aŧí avár marek.

L.Dames[edit]

Balocí ná xalkí şaer áteŧí "Halabb" e Baloc á tá anken pánińgáne, o dá şaer ák avlíko vár "Kaepŧan R. Líc" ná xizmat aŧ Jarnal Eşiáŧik súsáiŧy áf Bańgál aŧí şenk massur.arákán pad elo duniá Baloc án balad massur.

Bráhuí pin: elo Xám Ázmúnda ģák[edit]

Laoz Bráhuí ná pin o dod tammińg ná bárav aŧ, andí o peşan ná zántkár ák jitá jitá "Xám ázmúda" (Hypothesis) moná atissá dun darşán kareno,

  • Bráhuí, "Rava" ná şontar á droşum e,o "Rava" Sindí zabán ná laoz ase, sindí ŧí "Rava" "Maş" e pára.

o Maş teŧí raeńgoká bandaģ áte "Ravaí" pára.

  • laoz Bráhuí ná pin tammińg ná bárav aŧ asi pen xám ázmúnda as Írání laoz "Buro"'(ará Bráhuí ŧí "inińg" ná mána e etik) ton ganðińgik,

arátam Bráhuí pároká xalkat, amp o biŧ karisa, Írán e sar mass, to amoŕe asi umr as tadefe, dá xalkat tená pið e valifińg kin, amoŕe luŧ o pul e biná karer, der ser, Íráník dáftá illat oádat án purxún massur, guŕá ofk tená bádşá "Noşerván" á dáhńí innár,ki, Bráhuík nane bámus iskán karer, ní dáfte, dáká kaşşa. Noşerván, dáfte ukum tiss ki, Írán án "inbo" aráde Fársí ŧí "Buro" pára, arátam Bráhuík (bráhuí párokák) "Buro" e bingur o aerání o arrifoká tab aŧí tená kunðá nişa karisa párer,"Í"? yání nan kán?. to báhzák dá pára ki, Fársí ná "Buro" o Bráhuí ná "Í" avár marisá "Bráhuí" joŕ mass.