Wp/blc/Tsna
![](http://upload.wikimedia.org/wikipedia/commons/thumb/6/6e/Ts%27na_-_stinging_nettle%2C_from_near_Snuqaax%2C_Nuxalk_or_Bella_Coola.jpg/220px-Ts%27na_-_stinging_nettle%2C_from_near_Snuqaax%2C_Nuxalk_or_Bella_Coola.jpg)
Tsna-tum ti alhpus t'ayc. Pustimut at s7a7mlhanmis. Ilhtsaynawkw' wa Nuxalkmc ts c ts.
acwsalctimutts ala slhk'mstalh ts
[edit | edit source]Tsna t'ayc. pus wa tsna ala asikaax ts. Pus s7a7mlhanmis. alhpsaw wa tl'msta ca tsna. qwli wa tsna. tam-kw'putsaw ca tsna ala ayk' ts. [1][2]
Knicim
[edit | edit source]Aytut kw' wa Nuxalkmc ts sknicit k'w was tamtiinaw tuu c ts. Aymis kw' sliclictum wa tsna ssnknics, alh7ays stsnntsnnalcaknu ka musicw wa tsna ts s7axw liclics. tl'lhlctum tuu wa tsna sitamtiilh ssutkams. Alhhp'ik-tum wa alhliclic wa tsna. [3]
skstum wa alhtiixw ts
[edit | edit source]![](http://upload.wikimedia.org/wikipedia/commons/thumb/f/fa/Oolachan_trap%2C_Bella_Coola_River_Valley_%2858561_LS%29.jpg/220px-Oolachan_trap%2C_Bella_Coola_River_Valley_%2858561_LS%29.jpg)
Yustamkim wa tsactsakwaax wa tsna sitam7alhtiixwaw txw. Tututictiiqwtanaw tu lhkw'lcam txw c tu tsna txw alh tu ayk' txw. Alhh7ayutslh kw' stl'imanaw stututictiiq'tanaw.[4] Nutssnm-tum ti alh7ay ti tictiiq'ta.[3] Ka a7mlhanmis s7ilhtsaynaw ca tsna, qw'xwit kw' tu acwlh alh tu alhkwtl' txw ula tculmcayc wa amat. Aynaw kw'tuu sq'awit wa smlhkiixw ts alhtxw. Lhnusiilham its'ik ula s7alhpus ti tsna tc, makw'p mats' n ti stsakws. Qwlquulhim tc sputl'aw wa amlh ts, sak'ayakaw stutunutssnmnaw alhtxw. q'awim ula ssustkanmiis, was tamq'lscwaw c ts situtukw'puutaw.[5]
References
[edit | edit source]- ↑ James (Tsukwa) Amos Tallio
- ↑ Thomas McIlwraith
- ↑ 3.0 3.1 Boas, Franz. "Salishan texts." Proceedings of the American Philosophical Society 34.147 (1895): 31-48.
- ↑ Felicity Walkus
- ↑ Alats'iitum Ayk'lalis c tu kukwpis tx