Jump to content

Wp/blc/Ts'qamin

From Wikimedia Incubator
< Wp‎ | blc
Wp > blc > Ts'qamin
ti ts'qamin

Ts'qamin-tum ti qiqti ti ts'uliits ti tsitstsiipi, ti alhi tc alh ti alhqulhuus t'ayc. Tic ti nuyamlh ti tsitstsipii. Axw waltulhs ti ts'qamin tc, tanapsulhs alh Nuxalk.[1] Axwmas waltmacwaw wa alhtalaws wa ts'qamin. lhkw'liwanaw wa imlaakwlh ts ala cnaaslh ts. Lhwaaslancwamnaw ts snacliwanaw ska clhmnalcaw. paaximkwtuu ca Astas.[2]

aynaw wa ts'qamin sq'awit wa snknicaw s7amlhams. Ipwit ts ala stn, ala nutsq', ala t'xt, aytu s7ays wa umat ts. Anutsnmit mas wa umatstum wa alhq'awim wa snknicaw ts, kwnkwnmaw ca alhq'awim wa snknicaw ts sutkams.

nu7usqnamkit wa (2-5) wa q'panaw ts s7alhtu7ntstimuts was si7aqw'ms. Tutu7imantanaw ts ala clhqwals wa stn - umatstut wa imantanaw ts ula snxaalhanks ti stn, sikwlctum wa q'panaw ts. Samwiis ilh cnaaslh s7asimlts ala q'panaw, 18aaxams wa suncw ts ula nitsmaw wa qiqipinaw ts.

aytu s7ays wa snknicaw wa ts'qamin ts. knicit wa tsakwliwa ts, wa ank'pts, wa tsitstsiipi, n wa nut'xtiitk.

Sicsiqw'aw ala ka stn, ayawit kw'mas wa amatalhaw ts s7icyaasnmnaw ca snknic, was alhkaltcwmitsutaw ts ala paaxulhlaliwa wa ts'kta.

Wa smsmalh ts[edit | edit source]

Smsmayamkilh ti ts'qamin tc, wics wa smsmas Ts'qamin n wa naxnx ts.

References[edit | edit source]

  1. Charlie Wood
  2. Thomas McIlwraith