Wp/blc/Wa axw alhk'yukim wa tsitsipii
.jpg)
Alats'iitumulht wa lhikw'lcaaxtalh ts ca acwlh wa tsitstsipii. alh7ays kuks ala matl'ap ts s7axw luts'n alhnapilh skals ti tsitstsipii spaaxim c ti kal ti skwatsta. Wic wa skwatsta ats wa tsay wa tsitsipiilh wa skwatstalh ts, kamalh7axw alhnapilh swals spaaxim.
ti Qwlilc7ana tc[edit | edit source]
tmtsaatsii wa s7alhnapliwatilh alh ti tsitstsipii t'ayc. Alhnapilh tuu stsuts Franz Boas smiins "qwlilc" wa "dark green".[1] Ama7itsk stics ti "Northern Shoveler" ti alh7ayutsmim ti tsitstsipii, ama7itsk ka axws. Axw slaxaw ts alh Nuxalk.
ti sklklltsi tc[edit | edit source]
Alhnapilh stics ti sklklltsi ti sulutlhh stsitsipiis, was sqiqtis tc.[1] Tmlhnus wa k'isskwatsta wa alh7ay wa tsitstsipii, kalaaqw'smtim alh Nuxalk - Wicanaw wa "Greater Scaup" n ti "Harlequin". Ayuts kuks Thomas McIlwraith s7Akw'a-tum ti "Harlequin." Wic its'ik si nutsutikts stics tsk ti "Greater Scaup" ti sklklltsi-tum ti tsitstsipii tc.[2] Alhinaw ts alh Nuxalk sutkams.
ti sulutlhh ti skwlatn tc[edit | edit source]
Alhnapilh stics ti "ptarmigan" ti skwlatn tc. Ama7itsk tuu spaaxim kw' ti Smucwmukwiixw tc ca sSkwlatn. Tsuts Captain Schooner s7asmusiixw wa alh7ay wa skwatsta ts - skwlatn, skwlaatn, n skwlaltnm.[3] Ayuts kuks McIlwraith s7alh7ays ti skwlatn c ti naxnx tc. Ama7itsk swics tuu "skwlatn" wa skwatstanaw wa mucwmukwiixw wa tsitstsipii - lhnus kuks wa axw xilh wa kalaaqw'smtim wa naxnxliwa wa tsitsipii - ti "Canvasback" tc n ti "Redhead" tc.
ti supsmiluksakm tc[edit | edit source]
Alhnapilh stsitsipiis ti supsmiluksakm tc. Nutsutikilh s7alhitimuts tc alh Nuxalk. Ama7itsk swics "su-PSCM-alstutsakm" wa s7alh7ayutsmilh wa skwatsta ats. Kamalh-PSCM-nu, kalh-tsitstsipiinu c ti nusxyaak tc ka ntl's. Ama7itsk stics ti spuscmiluksakm ti s7alh7ay ti tsitstsipii.
ti sicsaaxwanmc tc[edit | edit source]
Alhnapilh stsitstsipiis ti sicsaaxwanmc tc. Alats'itmulhs wa skwatstas tc s7alhitimutaw ts ala saaxwan ts. Axw slaxs wa k'iskwatsta wa tsitstsipii ts ala saaxwan ts - ama7itsk s7inici7its ka napamcwilh swals tc.
ti alhwaltinitsaw tc[edit | edit source]
Tsuts Captain Schooner s7alh7ays ti tsitstsipii t'ayc ci alhwalim c ti kwtmts tc.[4] Nuyamlh tsk tc tsitstsipiis.[2]