Jump to content

Wp/blc/Sqaaxlutslhp

From Wikimedia Incubator
< Wp‎ | blc
Wp > blc > Sqaaxlutslhp
wa sximutss ti sqaaxlutslhp

Wic wa sqaaxlutslhp wa amat spus wa sqaluts ts, wa sk'cuulh wa kanusyam wa alh7ay, wa snknicaw wa tl'msta ts, wa nmnmk' ts, n wa tsitstsipii ts.

ti s7alh7ays ats s7alhkwtl's ts[edit | edit source]

wa sqaluts alh ti sqaaxlutslhp

150cm ti stsakws ti alhkwtl' t'ayc, was slqw'amkim ala tl'uk'ankiixws wa smt ts ala kulhulmcilh ats. Alhpuskw tuu ala scwayc wa asikaax ts. yas spus ts ka yumalcwliwas wa kulhulmc ts.

alh7ays syustamkim ts[edit | edit source]

ilhtsaylh ca sqaluts alh ts ka amlhams. Mnts'aqw'sim kw' wa sqaluts, was t'qim kw' ala qw'laxw, ala qtsuus ts si tl'lhlcaycs ala asuk' ts. Kamalh tl'lhlcayc wa alht'q, tcalusim, q'awtim ala paqi7yala. Sclum-tum wa alh7ay wa tcalusim wa tl'lhlcayc wa alht'q.[1]

Sutkams, kamalh xlhalhhilh, lhqmlh ca sqalutslhh ats - nukwtl'ikilh wa sclum ulh ti nukwtl'aaq, si lhqlcs. Ka nacliwas, ayutsmilh kw' s susus tc.[2] Aylh tuu smnts'aqw'silh wa sqaluts, stamsqwilatslhilh c ts, siqaaxlamilh.

references[edit | edit source]

  1. Charles Snow
  2. Hwrna Schooner