Wp/blc/Spikw'
.jpg)
Tic ti spikw' tc ti alhk'cicw ti nmnmk' tc alh ti alhqulhuus t'ayc. alh7ayliwanaw ts c ti laakts - lhkw'aw kuks ats ala laakts ts. Wics "Hoary Marmot" wa itts'xlhiixw wa skwatstas ti nmnmk' t'ayc. Paaxim kw'tuu ca "Whistler".
ti s7alh7aynaw ala ts'ktanaw ts
[edit | edit source]wic wa tl'uk'ankiixws wa smsmt ts wa amataw wa spikw' ts. Tam-xlamantanaw ts ala qnks wa t'xt ts - wic its'ik wa xlamantanaw ts wa amataqw'saw ssutkams. tsitumanaw ula s7a7mlhanmis. Alhpsaw ats ala spus, wa slaws, wa slawsikuuts, wa nususkw'iiqw ts, n wa sximuts ts. Suptawkw' ts.
Qwlculhtsutaw ats stanapsulhaw ts, axwmas numawiitimutaw. Yanicit ska axtsmaw ala snxaalh ts. Nu7usqnamktim wa 2-5 wa spiipkw'i ts Si7mts. K'ismawilham stsitumanaw ssutkams.
s7alh7aynaw ala tl'msta
[edit | edit source]cwt'nictim wa spikw' ts c tu lhikw'lcaaxta ts ca nucmikta ts. [1]Yustamktim ts ala spikw'anlh ts. T'ksnictim kw'tuu. [1] Yaliwni ti spikw'anlh ala scwpanilhanlh n ti yakyanlh tc.[1] Kalhspikw'aw wa acwlh ts ca q'up - q'uptim wa spikw' ts si7usqanaw ala anutsiixlhaw ts. Sp'iixwtim kw' kamalh7usqanaw.[2] Panyatim wa sqalhs ti spikw' tc - nupapntstum wa panyatim wa sq'alhs tc ala patsalh s7alhpsilh alh ts. Nutiq'iktit kw' wa mawlxs wa spikw' sikstut ti smawliits ti spikw'anlh.[2]
Ala smayustalh ts
[edit | edit source]Wicanaw wa spikw' ts wa asulictsaw wa patsalhlt ts alh Anxalhi.[3]