Wp/blc/Skwakwixlhala
Tic ti skwakwixlhala ti qwitliits ti tsitstsipii t'ayc.
Ts'uliits tsi cnaaslh tsc - was qwits wa spuxutsaks tsc. K'ismawlancwams tc ula s7atmas. Knicaynicis wa lht'mtimut, wa nuq'ilhaaxta, wa mamis n wa sqaluts.
alh7aynaw ala ts'ktanaw ts[edit | edit source]
Nuyamlhaw wa imlaakwlh ts sxims wa suncw ts. alhitimutaw ala smt ts.[1] Putl'aw wa slax wa alh7ay ulh Nuxalk s7a7mlhanmis. [2] tutu7imantanaw ts ala nutsq' ts. Nu7usqnamkit wa 4-5 wa q'panaw ts. Ays tsi cnaaslh tsc s7asimlts alhts. Anukaliktmacwiilhams s7asimlts tsc alhts ula snitsmaw wa qiqipinaw ts. Alhpsaw ts ca tsakwliwa s7amlhams. Wic kuks wa sqaluts wa sininitsaw ts sutkams.