Wp/blc/Sk'ilcts
Tic ti sk'ilcts ti k'cicw ti tsitsipii tc alh ti alhqulhuus t'ayc.[1] Alh7ayusliwas ti sk'ilcts c ti umtutsay, lhkw's kuks alh tc. Tsiptsiiplits ti imlaakwlh tc, was naaxlitaw wa cnaaslh ts.[2] Numnts'ikulhaqw'saw ti tsitsipii t'ayc - wic its'ik sipaaxim tc ca itts'xlhiixw wa skwatstas - "Goldeneye". sk'clxs tc, was pik'mulhiixws wa imlaakwlh ts - qwliliitsliwanaw ts ala t'nxwaw ts. ts'xulhankaw ts, was sk'ulhikliwanaw tuu. Mukulhiixwaw wa cnaaslhuks ts. Ts'uliitsaw ala sunkwstanaw ts.
alh7aynaw ala ts'ktanaw ts[edit | edit source]
putl'aw kw' wa sk'ilcts ulh Nuxalk sustkanmiis was sutkams. Alhitimutaw wa acwlh ts ala taqw'lh ts ala awcwa - slaxaw kuks ala sulut ts.[3] Asimltaw alh tu atl'sliwni txw. Alh7aynaw c tu umtutsay txw s7asimltaw ts ala nutsq' ts ala stn. alh7ays ti slhkw'aw ts, syustamkit wa ayk'mlh wa imantanaw wa smucwmukwiixw wa stl'xlxlxsm, ti lhkw' tc ala stl'xlxlxsm ts. Smawiilhams ula snitsmaw wa q'panaw ts. Samwiis ilh cnas ilh s7asimlts alh ts.[2]
mulmulminaw ts sininitsaw. kalhtsakwliwanaw ts alh tu atl'sliwni txw ala tsalh ts n wa anuxum ts alhtxw. Anusyamit kw wa qiqti wa alh7ay c ti k'inacw tc ala sulut ts sutkams. Anusyamitkwtuu wa mats'i n wa alhkwtl' ts, alhpus ala qla ts.[2]