Jump to content

Wp/blc/Nusq'lst (apsulh)

From Wikimedia Incubator
< Wp‎ | blc
Wp > blc > Nusq'lst (apsulh)
Tic t'ayc ti stwin alh Nusq'lst.

Wic Nusq'lst wa skwatstas ti ayk'mlh ti apsulhaw wa Nusq'lstmc ts, wa "Mack"tutim ts alh ti suncwt. Alhi txw ala asuuts tu anuxuxwmi txw, alh7ayutsmim ca S7alhyanuts. Tic kwts'n James Mack ti staltmcaw tc - Kmalsuncw wa staltmciixw wa skwatstas.

sklhs ti patsalh ti suncw tc[edit | edit source]

Wa sulhs tl'alamin alh Q'umk'uts, alh7ayulhs c tu kstcwaynicim alh Nusq'lst alh tu ayk' txw

Wicanakw wa Nusq'lstmc ts s7anutsnmit skamalh-klhs tu suncw tx alh tu ayk' tx. Wic its'ik sipaaxtim ca alh7ayiixw wa skwatsa c tu naps ti staltmcaw tc, Kmalsuncw, n Tutusuncw. Axku yayaakmit tsk wa Masmasalaniixw ts tu suncw t'ax, wic kw7its'ik si klh tc. S7ays tx sklhs alhtxw lhlmakw tu masmasalaniixw txw was napaliimtsktnmakw alhtxw. Aynakw txw sitsakw'liwatut ta ts'ktanaw txw, ti snuxtl'amktsutaw tc. Tic its'ik tu sklhs tu suncw txw ti patsalh tc ala alh7ayutsmim tu mus tu axw yas tu ts'ktatuminilh txw. Wic its'ik t'axw, wa sxlhalhh ts, wa sqw'smulmc ts, wa scwms ti suncw t'ayc wa qw'las wa asmus wa axw yas tu ts'ktatuminilh txw alh tu ayk' txw. Smsmayamkim tuu wa wayclh wa mus wa axw yas wa ts'ktatuminilh ts.