Wp/blc/Nan (smsmayii)

Tic t'ayc ti smsma alh ti nan. Smsmayamkilh ti nan tc si7acwsalctimutnu ala slhk'mstalh ts. Kamalh anayknu ska papqanu ala acwlh wa smsmayii, alh7awlhtx ti qwit ti mntaliwa tc.

ti smsma tc

Nan t'ayc. Alhi ti nan tc ala asikaax ts. Yayaatwi ti nan tc. Axw ti ka snknic ala asikaax ts. Xlhalhh ti nan tc. Axwts'n yayaatwis ti nan tc. Wic its'ik si7usqas ti nan tc ala asikaax ts. Tl'ap tc ula anuxum ts. Alhi wa smlhk ala anuxum ts. Yayaatwii ts'n ti nan tc. axwluu xlhalhhs tc. Way.

ti nan

Tic ti nan ti nmnmk', ti lhkw' ti mukwliits ti nmnmk', apsulhs alh Nuxalk. alhps ti nan ca sqaluts. Alhps tuu ca smlhk. alhi ti nan tc ala asikaax ts. Tsituma ti nan sutkams. Axw tsitumas s7amlhams. S7a7mlhanmis, tl'ap ti nan utl'uk' ula tl'uk'ankiixws wa smt. Alhps ca slaws, ca pcliwas alhtxw. Nu7usqa ti nan ca nannii ts sutkams. Ama7itsk ka nu7usqa ti nan c ti smawii, ama7itsktuu ka nu7usqas ca asmus wa nannii.

wa asikaax

wic wa asikaax ts wa amats wa stn. Tsutilh tuu "ala stntn ts".

wa anuxum ts

Wic wa anuxum ts wa amats wa qla. alhwlalh ala kulhulmc, nuxums wa qla uuxnk ula amats wa slax wa qla. Anuxum-tum wa amat ts snuxums wa slax wa qla.

ti smlhk

Tic ti smlhk ti alh7ay, iixqlms ala qla. Wic wa sulut ts wa amats ti smlhk. putl'aw wa smlhk ts ula anuxum ts s7a7mlhanmis. Lip'tsutaw tuts' ula sulut ts. Knicaynicim ti smlhk ca nmnmk'. knicim tuu ti smlhk ca tl'msta.

xlhalhh

xlhalhhnu kamalh anayknu ska alhpsnu. kamalh axw ka snknic, ka xlhalhhnu.