Jump to content

Wp/blc/Maqw'ants

From Wikimedia Incubator
< Wp‎ | blc
Wp > blc > Maqw'ants
wa maqw'ants, s7usilanit awcwa

Wic wa maqw'ants wa tsacwtsakwalh wa uuulit wa ts'xwliits wa tsitsipii ts, wa alhk'cicw ts alh ti alhqulhuus t'ayc. Alhpsaw ca alhkwtl', wa spus, wa nut'xtiitk. Alh7ayuulhliwanaw c tu xaq'ants txw, wa ts'uliit, qwitliit ma wa tsaxwm wa tsitsipii.

ti tmtlhlc ti maqw'ants

Ts'xwliitsaw ts, was mucwmukwiixw ts ala tl'uk'anks wa t'nxwaw ts.

wa skwatstas ts[edit | edit source]

Maliixwayc ti slq'aw wa lhikw'lcaaxtalh ts alh tu itts'xlhiixw wa skwatstanaw wa maqw'ants ts. Tsutsutaw kw' wa acwlh ts stics ti maqw'ants ti "heron"-tum ti tsitsipii tc. Tsutaw tuu wa acwlh ts stics ti "heron" tc ti xaq'ants tc. Ayuts Jackson sxaq'ants-tum ti qwitliits ti alh7ay - ti "blue heron" tc.[1] Ayuts tuu Captain Schooner sxaq'antstum ti alh7ay.[2] Ayuts Agnes Edgar stics ti xaq'ants tc ti kasmlhk tc, ti tsaxwm tc ala anuxum ts. Wic its'ik si paaxits wa alh7ay wa qwitliits wa tsaxwm wa kalhsmlhk wa tsitsipii ts ca sXaq'ants, was paaxtits wa ispus wa ts'xwliits wa "crane"-tutim wa tsitsipii ca sMaqw'ants.

ti s7alh7aynaw ala ts'ktanaw ts[edit | edit source]

Yanicit wa maqw'ants ska maliixwtmacwaw ca qw'las wa maqw'ants. Wic7its'ik sislaxaw ts s7usilanit awcwa - s7ilustulht ts ssicsiqw'aw. Asimltaw ts siqyulcs awcwa. Smawiilhams s7asimltaw wa maqw'ants ts ula snitsmaw wa q'panaw ts. Tutu7imantanaw ts ala kulhulmc ts. Alhkaltcwmit wa imantanaw ts ala nmnmk' ts.

References[edit | edit source]

  1. Jackson
  2. Captain Schooner