Jump to content

Wp/blc/Ic7axwni

From Wikimedia Incubator
< Wp‎ | blc
Wp > blc > Ic7axwni
Ti imlaakwlh ti ic7axwni

Tic ti ic7axwni ti yayuutsi tc ala tsay wa tsitstsipii ts. Ayutsmim tuu ca sQuulhalus, alh7ays s7alhqulhaycs tc alh ti sqmas tc. Kalaqw'smim ti tsitstsipii t'ayc s7amlhams, aytum tuu ssutkams, wics s7axw walis Nuxalk. kamalh nuyamlhs ti ic7axwni, tsuts "Ic7axwnni-xwnni-xwnni."[1]

Ti s7alh7ayuulhliwanaw ts[edit | edit source]

Qwlqwlyulhanks tc, was quulhalusayc tc ca sk'c. axkuks alh7ays tsi cna7s tsi ic7axwni tsc squulhalusaycs c tu s7alh7ays ti imlaakwlh tc. Alh7ays ti slhkw'aw c tu s7alh7ays ti t'iclhala.

ti s7alh7aynaw ala ts'ktanaw ts[edit | edit source]

tutu-imantanaw wa ic7axwni ts s7amlhams - ayalhaw k'u ula tl'uk'ankiixws wa smt ts s7amlhams, wic tuu ats wa amataw s7asimltaw ts. Nu7usqnamkit ula smusulh wa q'pa. ts'klaktaaxams wa suncw ts putl's wa mus s7mtiinaw ala q'panaw ts - s7asimltaw ts, ula snitsmaw wa qiqipinaw ts. Txuuxnkalhaw ula awcwa ssutkams, k'ctim kw' ala apuslh ts, was ala staq'aaxliwa wa amat ts. Unusyamlh stsitstsipii ats.


Wic wa ays ays wa tsakwliwa ts wa snknicaw wa ic7axwni ts s7amlhams. Kalh-tsakwliwanaw stsitsipiinaw ats. Alhpsaw tuu ca qw'las wa alh7ay - wa mamis ts, wa slt'liislh ts. Axkuks alh7ays wa snknicaw ssutkams - alhpsaw kuks ca snut'xtiitk, n wa ays7ays wa sqaluts ts. Alhpsaw tuu ala axw knicaynicilh wa sqaluts ts - wa ts'xwatwala ts n wa skw'anik's ts.

wa smsmalh ts alh ts[edit | edit source]

tsi cna7s tsi ic7axwni - axkuks alh7ays tsc squulhalusayc c tu s7alh7ays ti imlaakwlh tc

Smsmayamktulht tu lhkw’lcamlh txw sqwlculhtsutakw wa tsay wa nmnmk’ ts sika anustsayanmaw ulh ti ic7axwni tc. Alh7ayskw txw alh tu ayk’ txw, skw’alhtnim wa suncwilh ats. Txuuxnkalhakw tu yaki txw wiclhta sasmtaw txw, iklhlciitimutakw tuu tu p’wi txw ulh tc snuyamlhs. Wic its’ik si7aynaw tu amatalaaxtilh txw swnts’lhtawkw’ - aq’smnawk’w, ka kalhp’winaw kw’ – kamalh-tl’aputsaw wa ic7axwni ts snuyamlhaw s7a7mlhanmis.[2]

Wic ats wa qw'las wa alats'ii alh ti ic7axwni tc:

References[edit | edit source]

  1. Jim Pollard
  2. Jim Pollard