Wp/blc/At'maakw
At'maakw-tum ti alhk'cicw ti tsitstsipii alh ti alhqulhuus t'ayc. Alhayliwas ti slhkw'aw tc alh ti ha7u tc. Mulmulmis tc stsitsipiis. Mtiis kw' alh ti stnaakt, alh ti t'xt, was sak'ayalhtimuts uuxnk ula qla ts - wic its'ik siputl'aynicis kw' wa sniknics - wa smsmlhki ts.[1] Slaxaw wa at'maakw ts ala anuxum ts.[1]
wa sunkwstanaw ts
[edit | edit source]kamalh k'cnu ulh ti at'maakw, alh7ays ti t'nxws tc snuq'awiixwms - tl'uk'tum wa mnlhkwas tc. qwitulhiixws tc ala tl'uk'anks ti t'nxws tc. ts'xwapsms tc. qwitaakstuu, was qwitulhiks tc. Ts'xulhanks tc, was sk'clxsnks tc, sk'clxsakstuu tc.
ti s7alh7aynaw ala qiqipinaw ts
[edit | edit source]tamsulhs ti at'maakw ala maaxts ts ala kulhaxutss wa anuxuxwmi ts.[2] tamnutsq'aw ts alh txw - wa lhnus wa amatalaaxt ts - ala patsalh ska ays ilh cna7s ilh snu7usqnamkis wa q'panaw ts ulh txw. asimltmim wa (5-8) wa q'panaw ts ca lhnus wa amatalaaxt ts. Yanicit ska maliixwtmacwaw ala aqw'an ts - wa t'xtliwa wa kulhaaxuts ts. [1]