Jump to content

Wp/blc/Anulhk'als

From Wikimedia Incubator
< Wp‎ | blc
Wp > blc > Anulhk'als

Anulhk'als[edit | edit source]

Tic Anulhk'als ti slhxanklh ti smt tc. Tic Harlan Smith ti kstcw ti alhqulhuus t'ayc
Alh7ays spaaxim wa smt ts alh Nuxalk

Anulhk'als-tum ti smt tc ulaaxlh alh K'isskwatsta.[1] Tmsmaw wa lhnus wa smt ats – tsimilts kuks ala asiknalus wa uts'ikiixw ts. K'isskwatsta tum ti alsqayiixw tc, Anulhk'als tum ti aaxlhank tc. Tic anulhk'als wa umatstutim wa tan7apsulh ts alh Snut'li. Alh tu ayk' txw, ayalhs ti mnta ulh Ats'aaxlh ala kulhanks ti anuxuxwmi tc alhtxw.[2]. Alhi ti sxalc tc alhtxw, axw ixws utl'uk' alh tu mnta t'ax, ayalhs utl'uk' ulh Anulhk'als – Sxaxlcus-tum ti sxalc tc [3]– tic Sxaxlcus wa mntanaw wa kalhyaki ts slhtnmnaw utl'uk' ulh ti smt tc. Tic tuu wa mntanaw wa patsalhlt ts uuxnk ulh Snut'li (apsulh) sklhtim wiclh tu tl'uk' t'axw.[4][5]


References[edit | edit source]

  1. Sam Nelson
  2. Clyde Tallio
  3. Vanessa Hans
  4. Thomas McIlwraith
  5. Joshua Moody