Wp/bgz/Temeneno
Temeneno moola nda pahamio salaku Loh mo Bibisa tukon meeng sasaibino molengget doi nda mongiasan. Aki naano ko kasapakatan mo lengget doi madang komian tentang Temeneno, jadi ano madaang ko langge Temeneno, daano teisme, deisme, panteisme, tukon ano kobailong. Doi pongokitakon teisme, Temeneno daano salaku mian momokubai tukon pangatul kokabus kokajadian doi dunia. Kalu doi deisme, Temeneno daano salaku mian momokubai dunia nia, bai aki nausok doi kajadian mo ano doi dunia nia. Doi Panteisme, Temeneno salaku dunia nia. Ko Cendekiawan anggape kokabus Temeneno nasifat luwe doi langge Temeneno mo sangalasan. Mo paling kinanal badaang mian, daano Mahatahu (Toyo kokabus), Bibisa (Nakuasa aki naano nabatas), Mahaada ( ano doi sagala tampat), Mahamulia (ano ko sifat momondok tukon aki namanggilit), aki naano mopokana Yana, salataa Yana ano turuus. Mian mo mongias monoteisme palasaya kalu Temeneno tongo meeng, salataa aki nda moola kitae, ano napribadi, sumber kokabus mo sio kai nilakukanggene doi moral, tukon "Langge babasal momoola nirenungkanggon". Badaang Filsuf doi abad tangano tukon mo modern potoi mo meleanggon argumen tuuk pandukung tukon bapiatan naanoan Temeneno