Wp/bgn/علم

علم یا زانگ اینت که کسی یک چیزی موریدا آیرا بدست کاریت، علم مومکن اینت که چینکه رقم بیت طبعین علوم و اسلامی ئین علوم ئان.

علم شه اسلام ئی نظرا

علمءِ باره مئي بزرگان چو گوشتہ:«أُطْلُبُوا العِلْمَ وَلَو كَانَ بِالصِّيْنِ»؛ بزان علمءَ حاصل بكن اگر چہ ترا به علمءِ حاصل كنگءَ چينءَ روگ بكپيت. انسان كہ آ الله تعالىٰءِ شرتريں و بہتريں مخلوقات جوڑ كتگ، اگن چہ علمءَ بے بہره بہ بيت، آ چہ يك حيوانيءَ هم بدترإنت. علمءِ حاصل كنگءِ واسطہ حضور صلى الله عليه وسلمءَ ارشاد فرمائينتگ كه: «علمءِ حاصل كنگ بر مسلمان، مرد و جنينءِ سرا فرض إنت.» بزرگيءَ گوشيت: «گوانزكءَ بگر تاں قبرءَ علمءَ بلوٹ.» نبي كريمءَ وت هم اے دعاء لوٹتگ: «رَبِّ زِدْنِي عِلْماً»؛ اے الله! مني علمءَ گيشتر بكن. بلے مروچي باندا ما علمءِ مقصدءَ نزاناں كہ علمءِ اصل مقصد چي إنت، ما همے نيت دلءَ داشتگ كہ امتحانءَ پاس بہ بيں و نوكري برسيت، بلے علمءِ اصلي مقصد چوش نہ إنت، بلكہ علمءِ اصلي مقصد ايش إنت كه چہ علمءِ ذريعہءَ بنده وتي شر و گندگءَ پچہ بياريت و وتي علمءِ سرا عمل بكنت و وتي پروردگارءِ رضامنديءَ حاصل بكنت و چہ علمءِ دولتءِ بركتءَ مردم روحاني و اخلاقي بودناكي حاصل بكنت و وتي خداءَ پجاه بياريت. علمءِ معنىٰ إنت زانگ، علمءَ چہ هر چيزءِ حقيقت معلوم بيت، علمءِ بركتءَ چہ انسانءَ پراهيں و دراجيں دريا چو خشكيءِ وڑءَ استعمال كتگنتءُ اے درياهاني تہا آپءِ جہاز رنبينيتءُ فضائے چو ميدانءِ وڑءَ استعمال كتگءُ ماں آزمانءِ ديما بالي گراب تاچينتگ. اے دروها علمءِ كمال أنت. چہ آپءَ بجلےءِ پيدا كنگ هم علمءِ كارمرزءِ نتيجہ إنت. علمءِ بركتءَ نيكي و گناه، شريں و سليں كارءِ فرق زانگ بيت. علم چہ دولتءَ شرترإنت، پر چا كہ دولتءِ حفاظت ترا كنگ لوٹيت، بلے علم تئي حفاظتءَ كنت. دعا إنت كہ الله تعالىٰ وتي تماميں بندهاں علمءِ حاصل كنگءِ توفيقءَ بدنت.