Wp/bgn/عبدالرحمن پهوال

From Wikimedia Incubator
< Wp‎ | bgn
Wp > bgn > عبدالرحمن پهوال

واجہ عبدالرحمان پھوال آییءِ زھگانی گشگءَ اپریلءِ 25 سال 1939ءَ ماں نیمروزءِ ” کنگ” ءِ دمگءَ ابراھیم آباتءِ میتگءَ ودی بوت ۔ آییءَ بنگیجی وانگ ماں ”کنگ”ءَ سرجم کت و پہ گیشتریں تعلیمءَ کابلءَ شت ۔ چہ کابلءِ دارالمعلمینءَ انٹر ( دوازدہ کلاس ) کت و رندءَ چہ کابلءِ زانتجاہءِ ادبیاتءِ شعبہءَ ماسٹر کت و ھمودا کارمند بیت ۔ چہ آییءَ پد ، پشتو زبانءِ میان استمانی بنجاہءَ کار کت و رندترا ، اوگانستانءِ اکادمی علومءِ باسک و بلوچی شعبہءِ کارمستر بیت ۔ واجہ پھوال وتی کابلءِ زندءِ دورانءَ مدام گوں ریڈیوءِ بلوچی پروگراماں ھور بیتگ و رھشونی داتگ ۔

واجہ عبدالرحمانءِ ادبی کار و جد و جھدانی بابتءَ اے وھدی نبیسگ پہ من باز گران انت چیا کہ پہ اشکنگ ءَ ماں گوستگیں بازیں سالاں کہ مئے نزّیکیں رابطہ – دمگءِ سیاسی جاورانی سببءَ – ءِ برجاھی ممکن نہ بیت ، آییءَ بازیں کارے کتگ و بازیں چیزّے نبشتگ و بازیں شعرے گشتگ ۔

گیپته بوته شه[edit | edit source]