Wp/bgn/بلوچ لیبریشن آرمی

بلوچستانی آزاتی بخشین آرمی یک حزبی که په بلوچانی آزاتی و استقلالی خاطیرا مبارزها کنت.

شه پاکستانی استقلالی روچا اینګو بلوچانی و پاکستانی دولتی مانجینا باز سکین جنګ بوته انت، که به ۱۳۲۷،۱۳۳۷،۱۳۴۷،۱۳۵۲و ۱۳۸۳ سالانی تا باز سکین و کوشوکین جنګ اتنت. بلوچستان لیبریشن آرمی پنچ هزار نفر سرمچار داریت که به کوهلو ( مری یی قومی منطقه) و دیره بکتی ( بکتی یی قومی منطقه) به بلوچستانی شرقی ین نمه ګا هستنت باز فعال اینت. بلوچستان لیبریشن آرمی اولین واره شه نواب خیر بخش مری نیمه ګا تاسیس بوت که بعدا آیی زاګ سردار میر بالاچ مری که نواب اکبرخان بوکټی یی زاماس ات به آیی کمکا ای تحریکی مزن بوت، بالاچ مری به روسیه و انګلستانی تا وتی عالی ین درسانه وانتت. بعد شه بالاچ مری یی کشته بوتینا به ۱۳۸۶ سالی تا ای تحریکی مزنی به برامداغ بوگتی که اکبرخان بګتی یی نواسګ اینت و حیربیار مری بلوچ که نواب خیربخش مری یی زاګ اینت دستا اینت. ای تحریکی اصلی ین مخصد بلوچانی حقانی بدست آورتین و مزنین بلوچستان جوړ کورتین اینت که به اوگانستان ، ایران و پاکستانی حاکی تا کپته انت. ای تحریکی که به سالی ۱۳۶۰ تا تشکیل بوت، اصلی ین علتی بعد شه ۱۳۵۲ تا ۱۳۵۶ جنګ ات ، که ای جنګی تا ۵۵ هزار بلوچی ین سرمچار و ۷۰ هزار پاکستانی ین آرمی شرکت کورته تنت، بعد شه جنګی الاس بوتینا خیر بخش مری ای تحریکی مزن به اوگانستانا پناه زورت ، به سالی ۱۳۷۰ پدا به بلوچستانا آت. ای تحریکی نوکین حمله به سالی ۱۳۸۰ شروع بوتنت که بلوچستان ، سند و پنجاب ای عملیاتانی اصلی ین جاه اتنت.