Wp/bew/Utan

Tampang utan nyang ada di Muang-Tay

Utan (urup Arab Gundul: اوتن) atawa Alas (urup Arab Gundul: ألس) entu daèrah di darat nyang dipenuin ama pu'unan. Pé'an ma'na utan di santèro dunia, gabungin berapa ihwal kaya' kerapetan pu'un, kejangkungan pu'un, pemakéan lahan, kedudukan wèt, èn guna lingkungan. Paguyuban pangan èn pertanian mema'nain utan jadi lahan nyang nyenggar ampé lebih deri separo hèktar nyang diisi ama pepu'unan nyang jangkungan deri 5 mèter èn kuruban kanopi lebih deri 10%, atawa pepu'unan nyang gableg nyampé watesan nyuntrungin in situ. Enni ora keitung lahan nyang dipenuin ama pemakéan lahan pertanian atawa kota. Nyuntrungin enni ma'sud, FRA 2020 manggihin kalo utan nyenggar ampé 4,06 miliar hèktar atawa kira-kira 31% deri jenggaran darat nyang ada di dunia di taon 2020.