Wp/bew/Tun Indonésia
Tun[1] (hurup Arab Gundul: تون) atawa pèrak[1] (hurup Arab Gundul: فيراق) atawa lengkepnya tun Indonésia (hurup Arab Gundul: تون اندونيسي) atawa sekarang lebi bekèn digero rupiah (hurup Arab Gundul: روفية) ièlah mata duit resmi nyang dipaké di Kiblik Indonésia. Ni mata duit dicitak ama diatur pemakéannya ama Bank Indonésia dengen kode ISO 4217 IDR. Kalu di basa saban sarian, orang kita bilangnya duit koinan entu duit "kentringan" atawa "pèrak". Cetun (1 rupiah) kebelèk jadi cepé' cèn, biar sekarang udah apkir, kecuali di penyatetan ama pembukuan bank.