Wp/bew/Sumpel kuping
Sumpel kuping (hurup Arab Gundul: سومفل کوفيڠ) entu alat dedengeran lèstrik nyang orang paké di dia punya kuping. Ni alat dipakénya disumpelin di kuping. Sumpel kuping dipaké bakal ngedengerin suara di walkman, penyetèl MP3, pesawat, atawa kumpiuter. Sumpel kuping ada nyang gedé, ada juga' nyang kecil. Bakal cangcangannya, sumpel kuping paké colokan, biasanya. Ada juga' nyang paké cangcangan Blutut, jadi trusa paké kuwal-kuwel kabel lagi. Ada nyang kata Blutut lebi bahaya ketimbang nyang kabelan sebab pancaran nyang kepancar ama itu Blutut.[1]
Bisa-bisa budek kalu orang pepes ndengerin suara banter paké sumpel kuping.
Ruju'an
- ↑ Ludacris (27 Sèptèmber 2021). "Bluetooth vs. Wired Headphones Radiation". Headphone Savvy. Dipungut per 3 Sèptèmber 2023.