Wp/bew/Sukumi
Sukumi (hurup Arab Gundul: سخومى; Abhas: Аҟәа; Géorgi: სოხუმი Sokhumi; Rus: Сухум Sukhum atawa Сухуми Sukhumi; Minggrèl: აყუჯიხა Aqujikha) entu kota di telok nyang mangap di pesisir wètan Laot Item. Ni hopstad juga', kota paling gedé juga' di Kiblik Abhasi, atu negara nyang separoh diakuin èn banyakannya diakuin jadi bagèannya Géorgi. Ni kota dikuku ama Abhasi semprakan Perang Abhasi tahon 1992–93. Orang nyang pada ngejogrog di ni kota ada 65.439 orang (tahon 2018).[1]