Wp/bew/Slodor
Slodor (urup Arab Gundul: سلودر) atawa Gobak sodor (urup Arab Gundul: ݢوبق سودر) atawa galasin (urup Arab Gundul: ݢالسين) entu permaénan kas deri Betawi nyang di mana orang nyang jaga bakal ngaling-ngalingin orang nyang lagi jalan biar kaga' asin (atu orang nyang jalan ampé garis akir). Enni permaénan dilakonin ama dua barung. Atu barung nyang jaga èn nyang laénnya entu jalan. Slodor dimaénin di pelataran nyang diwates-watesin ama kapur atawa bikin garis paké kayu di tanah biar keliatan. Barung nyang jaga bakal tukeran ama nyang jalan kalo atu orang deri barung nyang jaga bisa nyentuh orang deri barung nyang jalan. Barung nyang jalan kalo atu orang uda ampé lin akir kudu ngomong "asin" bagèn tenger kalo permaénannya uda kelar. Kalo barung nyang jalan ampé asin, semua orang nyang ada di barung nyang jalan jadi pemenangnya.