Wp/bew/Sair

Sair (hurup Arab Gundul: شعر; Indonésia: puisi) entu atu jenis gawéan sastra nyang dia punya setil basanya bener-bener ditentuin ama dia punya cèngkok, rima, ama penyusunan larik èn baitnya. Penulisan sair biasanya dikeja paké basa ama pilian kata nyang pas, biar itu orang pada èling aken pengalaman ama ngasi tanggepan has liwat penataan bunyi, irama, serènta pema'naan husus. Sair gableg kabèhan unsur sastra di dalem dia punya penulisan. Adapun bentuk sair punya pekembangan ama perobahan èn isinya pepes ngintilin pegimana itu selèra, konsèp kecakepan, ama kemajuan kepinteran orang pada ngembang juga'. Sair gableg ngeja pengungkepan deri pemikiran nyang nyawabin perangsaan ama ningkatin angen-angen pengindraan di susunan nyang ada iramanya. Penyampéan sair dilakonin paké basa nyang ma'nanya dalem ama ngebèngbatin. Isi di dalem sair biasanya entu catetan ama perwakilan deri pengalaman penting orang punya rasain dalem dia punya idup.