Wp/bew/Sahara Kulon

Kiblik Arab Kera'yatan Sahrawi الجمهورية العربية الصحراوية الديمقراطية (Arab) al-Jumhūriyyah al-ʿArabiyyah al-Ṣaḥrāwiyyah al-Dīmuqrāṭiyyah República Árabe Saharaui Democrática
Ibu negeri	Uyun (secara hakèkat) Tipariti (secara hukum)
Nama pengendek	Sahrawi

Sahara Kulon (hurup Arab Gundul: صحراء كولون) atawa Kiblik Sahrawi (hurup Arab Gundul: کبليک صحراوى) atawa Kiblik Arab Kera'yatan Sahrawi (hurup Arab Gundul: کبليک عرب كرعيتن صحراوى; basa Arab: الجمهورية العربية الصحراوية الديمقراطية al-Jumhūriyyah al-ʿArabiyyah al-Ṣaḥrāwiyyah al-Dīmuqrāṭiyyah; basa Spanyol: República Árabe Saharaui Democrática) entu negara nyang separoh-diakuin, diakuin ama 45 negara anggota PBB, nyang letaknya di Magrib belah kulon. Ni negara nyedèk wilayah Sahara Bekulon nyang kaga' merèntah-sendèwèk, mar cuman bekuku' di seperlima bagèan blètan ni wilayah. Semprakan tahon 1884 ampé 1975, Sahara Kulon dikenalnya entu Sahara Spanyol, Spanyol punya atu jajahan (entinya jadi propinsi sebrang laot). Sahara Kulon entu atu deri dua negara Aprika nyang di mana basa Spanyol basa nyang kepakénya, selaèn Ginéa Katulistiwa.

Ni Kiblik Sahrawi diproklamirin ama Pron Polisario ari bulan 27 Pèbruari tahon 1976 di Biir Hulu, Sahara Kulon. Guwernemèn Kiblik Sahrawi nggero daèrah nyang dia kontrolir sebagé Wilayah nyang udah dibèbasin atawa Wilayah merdèka. Magrib ngontrolir ama ngebestir rèstan daèrah nyang disengkètainnya, èn nggero' ni sebagé Propinsi-propinsi Kidul. Hopstad nyang diakuin ama ni Kiblik Sahrawi entu Uyun. Cuman bahna Kiblik Sahrawi kaga' mantèk ni Uyun, mangka hopstad sementaranya ada di Tipariti. Adapun Kiblik Sahrawi punya korsi guwernemèn entu ada di kam pengungsian di Tindup, Aljajaèr.

Kiblik Sahrawi gableg ubungan diplomatis ama 45 negara anggota PBB, èn ni negara juga' anggota penu Uni Aprika. Dengen penduduk nyang cuman setenga jutaan orang, ni negara bolé dikata negara nyang paling ombèr di Aprika, èn nomor dua paling jarang dihuni di dunia.