Wp/bew/Pesawat
Pesawat (hurup Arap gundul: فساوت) atawa mesin pesawat (hurup Arap gundul: مسين فساوت) atawa hèngpon (hurup Arap gundul: هڠفون; basa Inggris/Ènggris: handphone) ya'entu mesin kuminikasi lèstrik nyang ada punya keboléan kaya' bèl biasa. Kegunaannya utamanya entu ngebèl orang nyang jauh biar orang-orang bisa bareng-barengan ngebuka omongan. Nyang bikin béda ama telpon entu pesawat bisa dibawa ke mana-mana, terus juga èntèng juga. Selaèn entu, pesawat pake sinyal dari satelit jadi kaga' kaya' telpon nyang paké kabel.
Pesawat jaman baheula maké tut[1] biar dipaké sebagé alat bakal ngetik. Entu papan ketiknya ada sembilan tut. Masing-masing tut ada punya hurup atawa tenger sendèwèk-sendèwèk. Saban mijet tutnya, kadang kuar bunyi-bunyi tèt-tot-tèt-tot nyang nengerin kalo tutnya lagi dipijet. Pesawat wayah gini udah kaga paké tut macem jaman baheula. Pesawat wayah gini udah paké layar tonjok. Pesawat bagéan depannya udah dipenuhin ama layar. Deri enni layar, bisa keliatan apa-apa program nyang ada di dalem entu pesawat.
Ruju'an
- ↑ Tut (hurup Arap gundul: توت) – tombol (Ind.); button (Ing.); toet (Wld.)