Wp/bew/Peris Nobèl
Saban tahon, Peris Nobèl (hurup Arab Gundul: فريس نوبل; Swèd: Nobelpriset; Nor: Nobelprisen) diangsrongin ke orang-orang ama lembaga di mana-mana di dunia. Ni peris diangsrongin bakal kajian èlmu pengetauan èn kedaméan dunia. Peris èlmu pengetauan nglingkup sastra, èlmu alam, èn kedoktoran. Peris Nobèl sanonya diawalin ama Alprèd Nobèl. Dia punya wasiat tahon 1895 ngasi duit bakal itu Peris. Yayasan Nobèl sekarang nyang ngurusin tu duit. Itu Yayasan mènta'in macem-macem kumité atawa akademi bakal nyabitin sapa nyang surup dapet itu peris. Bakal banyak orang, Peris Nobèl entu atu gèngsi nyang gedé.